ரூ.62 ஆயிரத்தை நெருங்கும் ஒரு பவுன் தங்கத்தின் விலை

சென்னை: தங்கம் விலை நேற்று அதிரடியாக உயர்ந்து ஒரு சவரன் ரூ.61 ஆயிரத்தை கடந்து விற்பனையானது.

தங்கம் விலை கடந்த 22-ம் தேதி ஒரு சவரன் ரூ.60 ஆயிரத்தை தாண்டி வரலாறு காணாத உச்சத்தை பதிவு செய்தது. அதன் பின்னரும் விலை ஏறி வந்த நிலையில், 27-ம் தேதி சற்று குறைந்தது. இந்த நிலையில் நேற்று முன்தினம் தங்கம் விலை சவரனுக்கு ரூ.680 அதிரடியாக உயர்ந்தது. தொடர்ந்து நேற்று முன்தினமும் சவரனுக்கு ரூ.120 உயர்ந்து விற்பனையானது.

இந்த நிலையில் நேற்று தங்கம் விலை சவரனுக்கு ரூ.960 அதிரடியாக உயர்ந்து ஒரு சவரன் ரூ.61 ஆயிரத்தை கடந்து புதிய உச்சத்தில் விற்பனையானது. அதன்படி, சென்னையில் 22 கேரட் ஆபரணத் தங்கத்தின் விலை நேற்று சவரனுக்கு ரூ.960 உயர்ந்து ரூ.61,840-க்கு விற்பனையானது. தங்கம் விலை கிராமுக்கு ரூ.120 உயர்ந்து ரூ.7,730-க்கு விற்பனையானது.

வெள்ளி விலையும் தொடர்ந்து அதிகரித்து வருகிறது. நேற்று வெள்ளி கிராமுக்கு ரூ.1 உயர்ந்து ஒரு கிராம் ரூ.107-க்கு விற்பனையானது.