தினேஷ் நடிக்கும் கருப்பு பல்சர்

Yasho Entertainment சார்பில், Dr. சத்யா தயாரிப்பில், கெத்து தினேஷ் நடிப்பில், அறிமுக இயக்குநர் முரளி கிரிஷ் இயக்கத்தில் உருவாகியுள்ள திரைப்படம் கருப்பு பல்சர். முரளி கிரிஷ் இப்படத்தை இயக்கியுள்ளார். மதுரையில் ஒரு கருப்பு காளையுடன் வாழும் ஒரு இளைஞன்,  சென்னையில் பல்சருடன் வாழும் இளைஞன், இவர்கள் இருவரும் சந்திக்கும் போது அவர்கள் வாழ்வில் ஏற்படும் பிரச்சனைகள், அதை எப்படித் சமாளிக்கிறார்கள் என்பது தான் கதை.  படம் குறித்து இயக்குநர் முரளி கிரிஷ் கூறியதாவது… இப்படம் ரசிகர்கள் மனம் விட்டுச் சிரித்து மகிழும் வகையில் முழுக்க முழுக்க நகைச்சுவையுடன், ஒரு அசத்தலான கமர்ஷியல் படமாக இருக்கும்,  சென்னை, மதுரையில் 28 நாட்களில் படத்தை முடித்துவிட்டோம். இப்படத்தில் தினேஷ் இரட்டை வேடத்தில் நடிக்க, அவருக்கு ஜோடியாக ரேஷ்மா வெங்கட், மதுனிகா நடித்துள்ளன்ர். இவர்களுடன், மன்சூர் அலிகான், கலையரசன் , சரவணன் சுப்பையா, பிரின்ஸ் அஜய், பிராங்க்ஸ்டர்  ராகுல் ஆகியோர் முக்கிய கதாப்பாத்திரங்களில் நடித்துள்ளனர் என்றார்.