சத்யராஜ் ஜெய் யோகிபாபு நடிக்கும் பேபி & பேபி

யுவராஜ் பிலிம்ஸ் சார்பில் தயாரிப்பாளர் B.யுவராஜ் தயாரிப்பில், பிரதாப்  இயக்கத்தில், சத்யராஜ், ஜெய், பிரக்யா நக்ரா, யோகிபாபு நடிப்பில், உருவாகியுள்ள படம் பேபி & பேபி. பெரிய குடும்பம் ஒன்றுக்குள் எதிர்பாராமல் நுழையும் ஒரு குழந்தையால் உருவாகும் கலாட்டா தான் இந்தப்படம். விரைவில் திரைக்கு வரவுள்ள இப்படத்தின் இசை மற்றும் டிரெய்லர் வெளியீட்டு விழா சமீபத்தில் நடைபெற்றது. நிகழ்ச்சியில் சத்யாராஜ் பேசுகையில், இயக்குனர். பிரதாப் ஏராளமான நடிகர்களை வைத்து, அழகாக சீக்கிரமாக திட்டமிட்டுப் படத்தை எடுத்துள்ளார் நானும் இப்படத்திற்காக காத்திருக்கிறேன் நன்றி என்றார். நடிகர் யோகிபாபு பேசுகையில், பிரதாப் 17 வருட  நண்பர். 17 வருடம் முன்பு  ஒரு படத்தில் ஜூனியர் ஆர்டிஸ்டாக நடித்துள்ளோம். இன்றைக்கு அவர் இயக்குநர்,  நான் காமெடி நடிகன்.  நாம் உண்மையாக உழைத்தால் நமக்கானது தானாக வந்து சேரும் என்றார்.