தொண்டர்களை நம்பிதான் தி.மு.க. தேர்தலை சந்திக்கிறது : கனிமொழி எம்.பி. விளக்கம்

விழுப்புரம் : தொண்டர்களை நம்பி தான் தி.மு.க. தேர்தலை சந்திக்கிரோம் என்று கனிமொழி எம்.பி. தகவல் தெரிவித்துள்ளார்.

விழுப்புரத்தில் தி.மு.க. எம்.பி. கனிமொழி நேற்று செய்தியாளர்களை சந்தித்து பேசினார். அப்போது பிரபல தேர்தல் வியூக ஆலோகர் பிரசாந்த் கிஷோர் த.வெ.க.வுடன் இணைந்து பணியாற்றுவது குறித்து செய்தியாளர்கள் கனிமொழியிடம் கேள்வி எழுப்பினர். அதற்கு கனிமொழி எம்.பி. கூறியதாவது:-

தேர்தல் வியூக நிபுணர்கள் தொழில்முறை அடிப்படையில் வேலை செய்பவர்கள். அவர்களை யார் அழைக்கிறார்களோ அவர்களுடன் சென்று பணியாற்றுவார்கள். தொண்டர்களை நம்பித்தான் தி.மு.க. தேர்தலை சந்திக்கிறது. முதல்வர் எந்த வழியை காட்டுகிறாரோ, அந்த வழியில் செயல்பட தி.மு.க. நிர்வாகிகளும், தொண்டர்களும் தயாராக இருக்கிறார்கள். எனவே எங்களுக்கு எந்த வித சிக்கலும் கிடையாது. இவ்வாறு அவர் கூறினார்.