நாயகன் நாயகி இல்லாத வித்யாசமான படம் எஸ்.ஏ.சி. பேச்சு

எஸ்.ஏ. சந்திரசேகர், ஒய். ஜி. மகேந்திரன்,சத்யன் ,பாலாஜி சக்திவேல், ஜார்ஜ் மரியான், இந்திரஜா ரோபோ சங்கர் உள்ளிட்ட  பலர் நடித்துள்ள கூரன்  திரைப்படத்தின் ட்ரெய்லர் வெளியீட்டு விழா சென்னையில் நேற்று முன்தினம் நடைபெற்றது. இப்படத்தை நிதின் வேமுபதி இயக்க மார்டின் தன்ராஜ் ஒளிப்பதிவை மேற்கொள்ள,  சித்தார்த் விபின் இசை அமைக்க,  பீ. லெனின் மேற்பார்வையில் மாருதி எடிட்டிங் செய்துள்ளார். கனா புரொடக்சன்ஸ் சார்பில் விபி கம்பைன்ஸ் உடன் இணைந்து இயக்குநர் விக்கி தயாரித்துள்ள இப்படத்தை ட்ரீம் வாரியர்ஸ் வெளியிடுகிறது. விழாவில் இயக்குநர் எஸ். ஏ. சந்திரசேகரன் பேசும்போது, என்னுடைய 45 ஆண்டு கால சினிமா வாழ்க்கையில் இது உண்மையிலேயே வித்தியாசமான படம். .இந்த படத்தில் நாய் தான் கதாநாயகன். மனிதர் மீது ஒரு நாய் பழிவாங்கும் கதை. தன்னுடைய போராட்டத்திற்கு நீதிமன்றம் வரை படியேறி நியாயம் கேட்கும் கதை. படத்தில் கதாநாயகன் இல்லை, கதாநாயகி இல்லை டூயட் இல்லை.நடனம் இல்லை. இந்தப் படத்தை இயக்குநர்கள் அமீர், பார்த்திபன் போன்றவர்கள் பார்த்திருக்கிறார்கள். டெல்லியில் மேனகா காந்தி பார்த்திருக்கிறார். அனைவரும் படத்தைப் பார்த்து  கண்கலங்கி பாராட்டினார்கள் என்றார்..