அகரம் பவுண்டேஷன் புதிய அலுவலக திறப்பு விழா

சென்னை, தியாகராய நகர் அருளாம்பாள் தெருவில் அமைக்கப்பட்டுள்ள அகரம் பவுண்டேஷன் அமைப்பின் புதிய கட்டிட திறப்பு விழா சமீபத்தில் நடைபெற்றது. நிகழ்வில் சிவகுமார், சூர்யா, கார்த்தி, ஜோதிகா ஆகியோர் கலந்து கொள்ள சூர்யா - கார்த்தி தாயார் லட்சுமி கட்டிடத்தை திறந்து வைத்தார்.  திறப்பு விழாவில் அகரம் பவுண்டேஷன் நிறுவனர் சூர்யா பேசியதாவது,  2006-இல் 10 X 10 அளவில் சிறிய அறையில் ஆரம்பித்தது அகரம் பயணம். 2010-இல் விதைத் திட்டம் ஆரம்பித்தோம். நூறு மாணவ, மாணவியரை படிக்க வைக்க ஆசைப்பட்டோம், அப்போதும் பத்தாயிரம் விண்ணப்பங்கள் வந்தது. 15 ஆண்டுகள் கடந்து இன்று 700 மாணவ மாணவியரை படிக்க வைக்கிறோம். இப்போதும் பத்தாயிரம் விண்ணப்பம் வருகிறது. 2006-ல் தொடங்கும் போதும் இப்ப 2025-லையும் தேவை மாறவே இல்லை. புதிய தொடக்கம், புதிய நம்பிக்கை இன்னும் பெருசா சிந்திப்பதற்கான புத்துணர்ச்சி தரும் இடமாக இந்த கட்டிடம் அமைந்திருக்கு என்றார்..