தூய்மைப் பணியில் 15,000 பேர்: மகா கும்பமேளாவில் கின்னஸ் சாதனை முயற்சி

பிரயாக்ராஜ் : உத்தரப் பிரதேச மாநிலம், பிரயாக்ராஜில் நடைபெற்றுவரும் மகா கும்பமேளாவில் ‘தூய்மை மகா கும்பமேளா திட்டம்’ நேற்று  (பிப். 24) மேற்கொள்ளப்பட்டது. இதற்காக 15,000-க்கும் மேற்பட்ட தூய்மைப் பணியாளர்கள் பிரயாக்ராஜில் திரிவேணி சங்கமத்திலும் கங்கை ஆற்றங்கரையோரத்திலுள்ள வெவ்வேறு படித்துறைகளிலும் தூய்மைப் பணியில் ஈடுபட்டனர். 4 மண்டலங்களாகப் பிரித்து தூய்மைப் பணி மேற்கொள்ளப்பட்டதாகவும் தெரிவிக்கப்பட்டுள்ளது.

முன்னதாக, 300 பேர் இணைந்து கங்கை ஆற்றை சுத்தப்படுத்தும் பணியில் ஈடுபட்டிருந்ததே சாதனையாக இருந்து வருகிறது. இந்த நிலையில், 15,000-க்கும் மேற்பட்டோர் இணைந்து கங்கை ஆற்றை சுத்தப்படுத்தும் பணியில் ஈடுபடும் திட்டம் கின்னஸ் சாதனை நிகழ்வாகப் பார்க்கப்படுகிறது.

பிரயாக்ராஜின் திரிவேணி சங்கமத்தில் கோலாகலமாக நடைபெற்றுவரும் மகா கும்பமேளா புதன்கிழமையுடன் (பிப். 26) நிறைவடையவுள்ளது குறிப்பிடத்தக்கது.