K.ரங்கராஜ் இயக்கும் கொஞ்சம் காதல் கொஞ்சம் மோதல்

ஸ்ரீகணபதி பிலிம்ஸ் MY INDIA மாணிக்கம் தயாரிக்கும் படம் கொஞ்சம் காதல் கொஞ்சம் மோதல். உதயகீதம், உன்னை நான் சந்தித்தேன், , உயிரே உனக்காக,  நினைவே ஒரு சங்கீதம் போன்ற வெற்றிப் படங்களை இயக்கிய இயக்குனர் K.ரங்கராஜ் இந்த படத்தை கதை, திரைக்கதை எழுதி இயக்கியிருக்கிறார். படத்தின் கதாநாயகனாக ஸ்ரீகாந்த் நடிக்க, கதாநாயகியாக புஜிதா நடித்துள்ளார். பரதன், நிமி இமானுவேல், பார்கவ், நம்பிராஜன், கே.ஆர்.விஜயா உள்ளிட்ட பலர் இப்படத்தில் நடித்துள்ளனர். படம் பற்றி இயக்குனர் K.ரங்கராஜ் பேசுகையில், வாழ்க்கையில் பணம் மட்டும் பிரதாணமல்ல என்பதை உணர்த்தும்  வகையில் வித்தியாசமாக இருவேறு கோணங்களில் திரைக்கதை அமைக்கப்பட்டுள்ளது. .அனைத்து தரப்பு மக்களும் பார்த்து ரசிக்க கூடிய குடும்ப பாங்கான, இன்றைய காலகட்டத்திற்கு தேவையான ஒரு படமாக இப்படத்தை உருவாக்கி இருக்கிறோம். படப்பிடிப்பு சென்னை மற்றும் கொடைக்கானலில் நடைபெற்று முடிந்துள்ள நிலையில் இப்படம் மார்ச் 14ஆம் தேதி திரையரங்குகளில் வெளியாக உள்ளது என்று கூறினார்.