தமிழகம் வந்தார் மத்திய அமைச்சர் அமித் ஷா: தக்கோலத்தில் நடக்கும் நிகழ்ச்சியில் பங்கேற்பு

அரக்கோணம்: அரக்கோணம் மத்திய தொழில் பாதுகாப்பு படை தின விழாவில் பங்கேற்பதற்காக மத்திய உள்துறை அமைச்சர் அமித் ஷா நேற்று தமிழ்நாடு வந்தார்.

மத்திய தொழில் பாதுகாப்பு படை உருவாக்கப்பட்டு 56 ஆண்டுகள் ஆவதை ஒட்டி, இன்று சி.ஐ.எஸ்.எப். தினம் கொண்டாடப்படுகிறது. இதை முன்னிட்டு, ராணிப்பேட்டை மாவட்டம், தக்கோலத்தில் உள்ள மத்திய தொழில் பாதுகாப்பு படையின் மண்டல பயிற்சி மையத்தில் நடைபெறும் நிகழ்ச்சியில், மத்திய உள்துறை அமைச்சர் அமித் ஷா பங்கேற்க உள்ளார்.

இதற்காக அமித் ஷா நேற்று மாலை டெல்லியில் இருந்து தனி விமானம் மூலம் புறப்பட்டு அரக்கோணம் ஐ.என்.எஸ். ராஜாளி கடற்படை விமான நிலையத்துக்கு இரவு 9.05 மணிக்கு வந்தார். அங்கிருந்து சாலை மார்க்கமாக தக்கோலம் மத்திய தொழில் பாதுகாப்பு படை மையத்திற்குச் சென்றார்