ஒகேனக்கல்லில் நீர்வரத்து குறைந்தது

ஒகேனக்கல் : ஒகேனக்கலில் நீர்வரத்து குறைந்தது இருப்பினும் சுற்றுலா பயணிகள் பரிசலில் பயணம் செயது காவிரி ஆற்றின் அழகை ரசித்தனர்.

கர்நாடகா காவிரி கரையோரங்களில் பெய்த மழையின் காரணமாக ஒகேனக்கல்லுக்கு நீர்வரத்து கடந்த ஒரு வாரமாக குறைவதும் அதிகரிப்பதுமாக இருந்து வருகிறது. இந்த நிலையில் நேற்றுமுன்தினம் ஒகேனக்கல்லுக்கு நீர்வரத்து 1500 கனஅடி வந்தது. காவிரி நீர்பிடிப்பு பகுதியில் பெய்த மழை குறைந்தது. 

இதனால் நீர்வரத்து இன்று காலை 8 மணி நிலவரப்படி 1200 கனஅடியாக தண்ணீர் குறைந்து வந்தது.மெயின் அருவி, ஐந்தருவி, சினிபால்ஸ் உள்ளிட்ட அருவிகளில் தண்ணீர் ஆர்ப்பரித்து கொட்டியது. சுற்றுலா பயணிகள் குடும்பத்துடன் பரிசல் பயணம் மேற்கொண்டு காவிரி ஆற்றின் அழகை ரசித்தனர். மேலும் தொங்கு பாலத்தில் நின்று காவிரி ஆற்றில் பாறைகளுக்கு நடுவே விழும் தண்ணீரை ஆர்வமுடன் ரசித்து மகிழ்ந்தனர்.  பின்னர் அவர்கள் மெயின் அருவியில் குளித்தும், பெண்கள் காவிரி ஆற்றில் குளித்தும் மகிழ்ந்தனர். காவிரி ஆற்றில் நீர்வரத்தை தமிழக-கர்நாடக எல்லையான பிலிகுண்டுலுவில் மத்திய நீர்வளத்துறை அதிகாரிகள் தொடர்ந்து கண்காணித்து வருகின்றனர்.