தமிழக அரசியலில் பரபரப்பு இ.பி.எஸ். திடீர் டெல்லி பயணம்

புதுடில்லி, பட்ஜெட் கூட்டத்தொடருக்கு இடையே திடீரென  அ.தி.மு.க. பொதுச் செயலாளர் எடப்பாடி பழனிசாமி டில்லி பயணம் குறித்து மேற்கொண்டது பரபரப்பை ஏற்படுத்தி உள்ளது.

தமிழக சட்டப்பேரவையில் பட்ஜெட் கூட்டத்தொடர் நடைபெற்று வரும் நிலையில், எடப்பாடி பழனிசாமி டில்லிக்கு பயணம் மேற்கொண்டிருப்பது பரபரப்பை ஏற்படுத்தியுள்ளது. டில்லி சென்றடைந்த எடப்பாடி பழனிசாமியை அ.தி.மு.க. மாநிலங்களவை உறுப்பினர்கள் தம்பிதுரை, சி.வி.சண்முகம் விமான நிலையத்தில் வரவேற்றனர்.

இதனைத் தொடர்ந்து டில்லி பயணம் குறித்து செய்தியாளர்களின் கேள்விக்கு பதிலளித்த எடப்பாடி பழனிசாமி, முக்கிய பிரமுகர்கள் யாரையும் சந்திக்க வரவில்லை, டில்லியில் திறக்கப்பட்டிருக்கும் எங்கள் கட்சி அலுவலகத்தை பார்வையிட வந்தேன் என்று தெரிவித்துள்ளார். கடந்த மாதம் டில்லி புஷ்ப் விஹாரில் அ.தி.மு.க. அலுவலகத்தை காணொலி காட்சி மூலம் எடப்பாடி பழனிசாமி திறந்துவைத்தார்.

தமிழக அரசியலில் பரபரப்பு

கடந்த மக்களவைத் தேர்தலின் போது பா.ஜ.க.  கூட்டணியில் இருந்து அ.தி.மு.க. பிரிந்த நிலையில், மும்முனைப் போட்டி நிலவியது. இதன்விளைவாக திமுக 39 தொகுதிகளையும் கைப்பற்றியது. சமீபகாலமாக பா.ஜ.க.  மற்றும் அ.தி.மு.க. தலைவர்கள் ஒருவரை ஒருவர் பெரிதளவில் விமர்சிக்காமல் தி.மு.க.வுக்கு எதிராக கருத்துகளை மட்டுமே வெளியிட்டு வருகின்றனர்.

இந்த நிலையில், திடீர் பயணமாக முன்னறிவிப்பு இன்று டில்லிக்கு எடப்பாடி பழனிசாமி பயணம் மேற்கொண்டது தொடர்பாக பல்வேறு யூகங்கள் எழுந்தன.  முன்னதாக தமிழ் மாநில காங்கிரஸ் கட்சியின் தலைவர் ஜி.கே.வாசன், டில்லியில் அமித் ஷாவை நேரில் சந்தித்து ஆலோசனை நடத்தியது குறிப்பிடத்தக்கது.