சென்னை அணிக்காக டோனி புதிய சாதனை

சென்னை, : சி.எஸ்.கே. முன்னாள் கேப்டன் டோனி புதிய சாதனையை நிகழ்த்தியுள்ளார்.

சி.எஸ்.கே. தோல்வி...

 சேப்பாக்கில் நேற்று முன்தினம் இரவு நடந்த போட்டியில் 17 ஆண்டுகளுக்குப் பிறகு சேப்பாக்கத்தில் சி.எஸ்.கே. அணி ஆர்.சி.பி.யிடம் தோல்வியை சந்தித்தது. ஆனால், டோனி புதிய சாதனை ஒன்றினை நிகழ்த்தியுள்ளார். முதலில் பேட்டிங் செய்த ஆர்.சி.பி. 196/7 ரன்கள் எடுத்தது. அடுத்து விளையாடிய சி.எஸ்.கே. 20 ஓவர்களில்146/8 ரன்கள் எடுத்தது. இதில் டோனி 16 பந்துகளில் 30 ரன்கள் அதிரடியாக அடித்தார். இருப்பினும் டோனி முன்பாகவே களமிறங்கி இருக்கலாம் என்ற விமர்சனம் அவர்மீது எழுந்து வருகிறது.

புதிய சாதனை...

சி.எஸ்.கே. அணிக்காக அதிக ரன்கள் எடுத்தவர் என்ற புதிய சாதனைக்கு சொந்தக்காரர் ஆகியுள்ளார் முன்னாள் கேப்டன் எம்.எஸ்.டோனி. இதற்கு முன்பாக சி.எஸ்.கே.வுக்காக சுரேஷ் ரெய்னா 4,687 ரன்கள் எடுத்திருந்தார். தற்போது, டோனி 4,699 ரன்கள் சி.எஸ்.கே. அணிக்காக எடுத்துள்ளார். மொத்த ஐபிஎல் தொடரிலும் 5,273 ரன்கள் எடுத்துள்ளார். கடந்த ஆண்டு கேப்டன் பொறுப்பை ருதுராஜிடம் ஒப்படைத்தார். அதிலிருந்து சி.எஸ்.கே. அணி வீழ்ச்சியை சந்தித்து வருவது ரசிகர்களிடம் பேசுபொருளாகியுள்ளது.