ஆர்பிஎம் டிரைலர் வெளியீடு

நடிகர் டேனியல் பாலாஜியின் முதலாம் ஆண்டு நினைவு தினத்தை ஒட்டி அவர் நடித்த ஆர்பிஎம் படத்தின் டிரைலர் வெளியிடப்பட்டது. பிரசாத் பிரபாகர் இயக்கத்தில் உருவாகியுள்ள ஆர் பி எம்  ( R P M) எனும் திரைப்படத்தில் டேனியல் பாலாஜி, கோவை சரளா, ஒய் ஜி மகேந்திரன், இளவரசு, தேவதர்ஷினி , சுனில் சுகதா, ஈஸ்வர் கிருஷ்ணா, தயா பிரசாத் உள்ளிட்ட பலர் நடித்திருக்கிறார்கள். அனியன் சித்திரசாலா ஒளிப்பதிவு செய்திருக்கும் இந்த படத்துக்கு ஜெ. செபாஸ்டியன் ரோஸாரியோ இசையமைத்திருக்கிறார். கோல்டன் ரீல் இண்டர்நேஷனல் நிறுவனம் சார்பில் கல்பனா ராகவேந்தர் இப்படத்தை தயாரித்திருக்கிறார். இந்த டிரைலர் வெளியீட்டு விழாவில், டேனியல் பாலாஜியின் தாயார் ராஜலட்சுமி சிறப்பு விருந்தினராக கலந்து கொண்டார். நிகழ்வில், இயக்குநர் பிரசாத் பிரபாகர் பேசுகையில், டேனியல் பாலாஜி ஒவ்வொரு காட்சியில் நடிக்கும் போதும் நான் என்ன மனநிலையில் இருக்க வேண்டும் என்பதனை கேட்டு தெரிந்து கொள்வார். அப்போதுதான் அந்த கதாபாத்திரத்தின் உணர்வை உள்வாங்கி நடிப்பதற்கு உதவியாக இருக்கும் என்பார். அவருடன் பனியாற்றிய ஒவ்வொரு நிமிடங்களும் மறக்க முடியாதவை. ரசிகர்கள் இந்த படத்தை ஆதரிக்க வேண்டும் என கேட்டுக்கொண்டார். .