கவிஞருக்கு மோதிரம் அணிவித்த பாக்யராஜ்

கவிஞர் முத்துலிங்கத்தின் பாராட்டு விழா சென்னையில் சமீபத்தில் நடைபெற்றது. முத்துக்கு முத்தான விழா’ என்ற தலைப்பில் நடைபெற்ற இந்த நிகழ்ச்சியில் முத்துலிங்கம் திரைப்பட முத்துக்கள் எனும் நூல் வெளியிடப்பட்டது. இப்புத்தகத்தை நடிகர் சிவகுமார் வெளியிட மனிதநேய அறக்கட்டளைத் தலைவர் சைதை துரைசாமி பெற்றுக் கொண்டார்.  காற்றில் விதைத்த கருத்து நூலின் இரண்டாவது பதிப்பும் இந்நிகழ்வில் வெளியிடப்பட்டது. தொழிலதிபர் நல்லி குப்புசாமி செட்டியார் இந்த நூலை வெளியிட விஐடி பல்கலைக்கழக வேந்தர் கோ. விஸ்வநாதன் முதல் பிரதியை பெற்றுக்கொண்டார்.  இவ்விழாவில் கவிஞர் முத்துலிங்கத்திற்கு பாக்யராஜ் மோதிரம் அணிவித்து மரியாதை செய்தார். கவிஞர் முத்துலிங்கம் பற்றிய குறும்படம் ஒன்று நிகழ்ச்சியில் திரையிடப்பட்டு அனைவரின் பாராட்டுகளை பெற்றது.