குற்றாலம் அருவியில் குளிக்க அனுமதி

தென்காசி: குற்றாலம் மெயின் அருவியில் சுற்றுலாபயணிகளுக்கு குளிக்க அனுமதி அளித்துள்ளது.

மேற்கு தொடர்ச்சி மலைப்பகுதியில் நேற்றுமுன்தினம் பலத்த மழை பெய்தது. அதன் காரணமாக குற்றாலம் மெயின் அருவி, ஐந்தருவி, பழைய குற்றாலம் அருவிகளில் திடீர் வெள்ளப்பெருக்கு ஏற்பட்டது. செங்கோட்டையில் நேற்றுமுன்தினம் மாலை 4 மணி முதல் 5 மணி வரை இடி- மின்னலுடன்பலத்த மழை பெய்தது. இந்த சூழலில் வெள்ளப்பெருக்கு ஏற்பட்டதால் குற்றாலம் அருவியில் குளிக்க  தடை விதிக்கப்பட்டு இருந்தது. இந்நிலையில் தற்போது நீர்வரத்து குறைந்துள்ளதால் குற்றாலம் அருவிகளில் குளிக்க விதிக்கப்பட்ட தடை நீக்கப்பட்டுள்ளதாக தகவல் தெரிவிக்கப்பட்டுள்ளது.