செய்யாறு-எண்ணூர் தொழிற்தட சாலை தி.மலை வரை நீட்டிப்பு : சட்டசபையில் அமைச்சர் தகவல்

சென்னை : செய்யாறு சிப்காட் - எண்ணூர் தொழிற்தட சாலை திருவண்ணாமலை வரை நீட்டிக்க நடவடிக்கை எடுக்கப்படும் என்று அமைச்சர் எ.வ.வேலு கூறியுள்ளார்.

தமிழக சட்டப்பேரவையில் கேள்வி நேரத்தின் போது, செய்யாறு சிப்காட் - எண்ணூர் துறைமுகத்திற்கு செல்லும் தொழிற்தட சாலை திருவண்ணாமலை வரை நீட்டிக்கப்படுமா என்று துணைத் பேரவைத் தலைவர் கு.பிச்சாண்டி கேள்வி எழுப்பினார்.

இதற்கு பதில் அளித்த அமைச்சர் எ.வ.வேலு, முதல்வர் கவனத்திற்கு கொண்டு சென்று செய்யாறு சிப்காட் - எண்ணூர் தொழிற்தட சாலை திருவண்ணாமலை வரை நீட்டிக்க நடவடிக்கை எடுக்கப்படும். இந்த சாலை திருவண்ணாமலை வரை நீட்டிக்கப்படும் பட்சத்தில், சிப்காட்டில் உற்பத்தி பொருட்கள் எளிதாக துறைமுகம் கொண்டு செல்லப்படும். திருவண்ணாமலை கோவிலுக்கு வரும் பக்தர்களுக்கும் உதவியாக இருக்கும் என்று பதில் அளித்தார்.