Idhayam Matrimony

மாணவியை வெளியே உட்கார வைத்த விவகாரம் கோவை தனியார் பள்ளி முதல்வர் சஸ்பெண்ட்

வியாழக்கிழமை, 10 ஏப்ரல் 2025      தமிழகம்
School-2024-09-04

கோவை, பூப்பெய்திய பள்ளி மாணவியை வகுப்புக்கு வெளியே அமர வைத்து தேர்வு எழுத வைத்த சம்பவம் அதிர்ச்சியை ஏற்படுத்தி உள்ள நிலையில் பள்ளி முதல்வர் சஸ்பெண்டு செய்யப்பட்டுள்ளார்.

கோவை மாவட்டம் பொள்ளாச்சி அருகே உள்ள தனியார் பள்ளியில் பூப்பெய்திய மாணவியை வகுப்புக்கு வெளியே அமர வைத்து தேர்வு எழுத வைத்த சம்பவம் அதிர்ச்சியை ஏற்படுத்தி உள்ளது. பொள்ளாச்சி அருகே உள்ள செங்குட்டை பாளையம் கிராமத்தில் உள்ள தனியார் பள்ளியில் 8-ம் வகுப்பு பயின்று வரும் பட்டியலின மாணவி கடந்த வாரம் பூப்பெய்தியுள்ளா். பள்ளியில் தற்போது முழு ஆண்டு தேர்வு நடைபெற்று வருகிறது. இந்த நிலையில் கடந்த 7 மற்றும் 9-ம் தேதிகளில் நடைபெற்ற அறிவியல் மற்றும் சமூக அறிவியல் தேர்வுகளை எழுத மாணவி பள்ளிக்குச் சென்றுள்ளார்.

பூப்பெய்திய மாணவியை தீட்டாக கருதி பள்ளி நிர்வாகத்தினர் வகுப்பறைக்கு வெளியே தனியாக அமர வைத்து தேர்வு எழுத வைத்துள்ளனர். இதுகுறித்து அறிந்து பள்ளிக்கு சென்ற மாணவியின் தாய், தனியாக அமர்ந்து தேர்வு எழுதிய மகளை கண்டு மனம் பதறியுள்ளார். இதுகுறித்து பள்ளி நிர்வாகத்திடம் கேட்டபோது, "இங்கு இப்படித்தான் நடக்கும். விருப்பம் இல்லையென்றால் வேறு பள்ளியில் சேர்த்துக்கொள்ளுங்கள்" என்று கூறியுள்ளனர்.

இதனையடுத்து மாணவியை வெளியே அமர வைத்து தேர்வு எழுத வைத்த பள்ளி நிர்வாகம் மீது நடவடிக்கை எடுக்கக் கோரி பொள்ளாச்சி சார் ஆட்சியர் அலுவலகத்தில் பாதிக்கப்பட்ட மாணவியின் பெற்றோர் புகார் மனு அளித்தனர். இந்த சம்பவம் தொடர்பாக பெற்றோர் மற்றும் பள்ளி நிர்வாகத்திடம் ஏ.எஸ்.பி. சிருஷ்டி சிங் விசாரணை நடத்தி வருகிறார். இந்நிலையில் பள்ளி முதல்வரை சஸ்பெண்டு செய்து பள்ளியின் தாளாளர் நடவடிக்கை எடுத்துள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 9 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 9 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 10 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 10 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 12 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 12 months ago
View all comments

வாசகர் கருத்து