அ.தி.மு.க.- பா.ஜ.க. கூட்டணி மக்களின் விருப்பம்: நயினார் நாகேந்திரன் பேட்டி

சென்னை : அ.தி.மு.க.- பா.ஜ.க. கூட்டணி மக்களின் விருப்பம் என்று பா.ஜ.க.  புதிய தமிழக தலைவராக தேர்ந்தெடுக்கப்பட்டுள்ள நயினார் நாகேந்திரன் தெரிவித்துள்ளார்.

தமிழகத்தில் வரும் 2026ம் ஆண்டில் நடைபெற உள்ள சட்டமன்ற தேர்தலில் அ.தி.மு.க. தலைமையில் என்டிஏ கூட்டணியுடன் போட்டியிட உள்ளதாக நேற்று முன்தினம் மத்திய உள்துறை அமைச்சர் அமித்ஷா அறிவித்தார். இந்நிலையில், அ.தி.மு.க.- பா.ஜ.க. கூட்டணி குறித்து பா.ஜ.க. மாநில தலைவராக தேர்வு தேர்ந்தெடுக்கப்பட்டுள்ள நயினார் நாகேந்திரனிடம் செய்தியாளர்கள் கேள்வி எழுப்பினர்.

அப்போது, நயினார் நாகேந்திரன் கூறியதாவது:- .தி.மு.க.- பா.ஜ.க. கூட்டணி மக்களின் விருப்பம். மக்கள் யாரை ஏற்கிறார்கள் என்பது தேர்தலில் தெரியும், தி.மு.க. தோல்வி பயத்தில் இருக்கிறார்கள். தி.மு.க. அரசு செய்துள்ள ஊழல்கள் தொடர்பான ஆவணங்கள் பொதுமக்கள் மத்தியில் வெளியிடப்படும். 2026 தேர்தலில் தேசிய ஜனநாயக கூட்டணி நிச்சயம் ஆட்சி அமைக்கும். முதல்வர்  விமர்சனம் செய்ய வேண்டியது ஆ.ராசாவையும், பொன்முடியையும் தான். இவ்வாறு அவர் குறிப்பிட்டுள்ளார்.