உலக டெஸ்ட் சாம்பியன்ஷிப் இறுதி: ரூ.49 கோடி பரிசுத்தொகை அறிவிப்பு கடந்த சீசனைவிட 2 மடங்கு அதிகம்

லண்டன்: உலக டெஸ்ட் சாம்பியன்ஷிப் இறுதிப் போட்டிக்கு ரூ.49 கோடி பரிசுத்தொகையை ஐ.சி.சி. அறிவித்துள்ளது. இந்த தொகை  கடந்த சீசனைவிட 2 மடங்கு அதிகமாம்.

இந்தியாவுக்கு பரிசு....

லண்டனில் நடைபெறவிருக்கும் இதன் இறுதிப் போட்டியில் ஆஸ்திரேலியாவும் தென்னாப்பிரிக்காவும் வரும் ஜூன் மாதம் 11-15-ம் தேதிகளில் விளையாடுகிறார்கள். பார்டர் கவாஸ்கர் தொடரில் தோல்வியுற்ற இந்திய அணி இறுதிப் போட்டிக்கு தேர்வாகும் வாய்ப்பை இழந்தது. இருப்பினும் 3ஆம் இடம் பிடித்ததால் இந்தியாவுக்கு ரூ.12.32 கோடி பரிசுத்தொகை கிடைத்துள்ளது. இந்தத் தொடரில் வெற்றி பெறும் அணிக்கு ரூ. 30.82 கோடி அறிவிக்கப்பட்டுள்ளது. 

இரண்டு மடங்கு.. 

இது முந்தைய சீசனை விட 125 சதவிகிதம் அதிகம் என்பது குறிப்பிடத்தக்கது. இரண்டாம் இடம் பிடிக்கும் அணிக்கு ரூ. 18.49 கோடி என அறிவிக்கப்பட்டுள்ளது. இது கடந்த சீசனைவிட 162.5 சதவிகிதம் அதிகம் என்பது குறிப்பிடத்தக்கது. மொத்தமாக இறுதிப் போட்டிக்கு 5.76 மில்லியன் டாலர் (ரூ. 49. 28 கோடி) ஒதுக்கப்பட்டுள்ளது. இது கடந்த சீசனைவிடவும் இரண்டு மடங்கு அதிகம். ஐ.சி.சி. 2023 டெஸ்ட் சாம்பியன்ஷிப்பை ஆஸி. அணி வென்றது. அதை தக்க வைக்கும் முனைப்பில் கம்மின்ஸ் அணி தயாராகி வருகிறது. முதல்முறையாக கோப்பையை வெல்லும் முனைப்பில் கேப்டன் பவுமா தலைமையில் தென்னாப்பிரிக்க அணியும் தயாராகி வருகிறது.

பரிசுத்தொகை விவரம்:

1) வெற்றி பெற்ற அணிக்கு - ரூ. 30.78 கோடி. 2-வது இடம் பிடிக்கும் அணிக்கு - ரூ. 18.46 கோடி. 3) இந்தியா - ரூ. 12.31கோடி., 4) நியூசிலாந்து - ரூ. 10.26கோடி., 5) இங்கிலாந்து - ரூ. 8.2கோடி., 6) இலங்கை - ரூ. 7.18கோடி., 7) வங்கதேசம் - ரூ. 6.15கோடி., 8) வெஸ்ட் இண்டீஸ் - ரூ. 5.13கோடி., 9) பாகிஸ்தான் - ரூ. 4.10கோடி.