தமிழகத்தில் 2026-ம் ஆண்டில் மட்டுமல்ல 2031, 2036ம் ஆண்டிலும் தி.மு.க., ஆட்சி தான்: ஊட்டியில் முதல்வர் மு.க.ஸ்டாலின் பேட்டி

ஊட்டி, ஜனாதிபதி சுப்ரீம் கோர்ட்டில் கருத்து கேட்ட விவகாரத்தில் உரிய நடவடிக்கை எடுக்கப்படும். பிற மாநில முதல்வர்களுடன் கருத்து கேட்டு, உரிய நடவடிக்கை எடுக்கப்படும். இவ்வாறு முதல்வர் ஸ்டாலின் கூறினார். மேலும் அவர், வரும் 2026-ம் ஆண்டில் மட்டுமல்ல 2031, 2036ம் ஆண்டிலும் தமிழகத்தில் தி.மு.க., ஆட்சி தான் என்றும் அவர் தெரிவித்துள்ளார்.

நீலகிரி மாவட்டம், ஊட்டிக்கு முதல்வர் மு.க.ஸ்டாலின் சென்று உள்ளார். அவர் நேற்று முன்தினம் ஊட்டி அரசு தாவரவியல் பூங்காவில், 127வது மலர் கண்காட்சியை துவக்கி வைத்து மலர்களை பார்வையிட்டார். இந்நிலையில் நேற்று (மே 16) ஊட்டியில் நடைபயிற்சி செய்த, பிறகு முதல்வர் ஸ்டாலின் நிருபர்கள் சந்திப்பில் கூறியதாவது:

2026 மட்டுமல்ல 2031, 2036ம் ஆண்டிலும் தி.மு.க., ஆட்சி தான் தமிழகத்தில் இருக்கும். திராவிட மாடல் ஆட்சி தான் தமிழகத்தில் நிலைத்து நிற்கும். மக்கள் திராவிட மாடல் ஆட்சிக்கு அதிக ஆதரவளித்து வருகின்றனர். ஜனாதிபதி சுப்ரீம் கோர்ட்டில் கருத்து கேட்ட விவகாரத்தில் உரிய நடவடிக்கை எடுக்கப்படும். பிற மாநில முதல்வர்களுடன் கருத்து கேட்டு, உரிய நடவடிக்கை எடுக்கப்படும். இவ்வாறு முதல்வர் ஸ்டாலின் கூறினார்.