'லெவன்' திரை விமர்சனம்

சென்னையில் மர்மமான முறையில் தொடர் கொலைகள் நடக்கிறது. இறந்தவர்கள் யார்? என்பதை கண்டுபிடிக்க முடியாதபடி, உடலை எரித்து அதை பொது இடங்களில் போடும் முறையை பின்பற்றும் சைக்கோ கொலையாளி பற்றி சிறு துப்பு கூட கிடைக்காமல் வழக்கை விசாரிக்கும் காவல்துறை அதிகாரி தடுமாறுகிறார். மறுபக்கம் கொலை சம்பவங்கள் தொடர்கிகிறது. 

நவீன் சந்திரா வழக்கை விசாரிக்க தொடங்கிய உடன் அவருக்கு ஒரு துப்பு கிடைக்கிறது. அதை வைத்து கொலை செய்யப்பட்டவர்கள் யார்? என்பதை கண்டுபிடிப்பவர், கொலையாளி யார்? என்பதை எப்படி கண்டுபிடிக்கிறார் ?, எதற்காக இத்தனை கொலைகள் ? ஆகிய கேள்விகளுக்கான விடையை சுவாரஸ்யமான திரைக்கதையோடும், எதிர்பார்க்காத திருப்பங்களோடும் சொல்வதே ‘லெவன்’ படம். 

 கதை திரைக்கதையின் சுவாரஸ்யத்தை அதிகரிப்பதோடு, கொலையாளி யார் ? என்பதில் இருக்கும் திருப்பங்கள், படத்தின் கிளைமாக்ஸ் வரை சஸ்பென்ஸை நீள வைத்து பார்வையாளர்களை பரபரப்பின் உச்சத்திற்கு அழைத்துச் செல்கிறது. இயக்குனர் லோகேஷ் அஜில்ஸ், கொலை செய்யப்படும் நபர்கள் யார்? மற்றும் எதற்காக கொலை செய்யப்படுகிறார்கள் ? என்ற கேள்விகளை பார்வையாளர்கள் மனதில் எழுப்பி முதல் பாதி படத்தோடு பயணிக்க வைப்பவர், இரண்டாம் பாதியில் கொலையாளி யார் ? என்ற எதிர்பார்ப்போடு படத்துடன் பயணிக்க வைத்திருக்கிறார். ஒரு இடத்தில் கொலையாளி யார்? என்ற சஸ்பென்ஸை உடைப்பவர், அடுத்த சில நிமிடங்களில் அதிலும் ஒரு திருப்பத்தை வைத்து பார்வையாளர்களை சீட் நுணியில் உட்கார வைத்து விடுகிறார்.

மொத்தத்தில் இந்த ‘லெவன்’ அனைவரும் பார்த்து ரசிக்கலாம்.