முதல் நாளில் வசூல் மழை பொழிந்த மிஷன்: இம்பாசிபிள்

டாம் குரூஸ் நடித்த 'மிஷன்: இம்பாசிபிள் - தி ஃபைனல் ரெக்கனிங்' ஹாலிவுட் திரைப்படம் பாக்ஸ் ஆபிஸில் வசூல் மழை பொழிந்துள்ளது. இந்தியாவில் 2025 ல் வெளியான ஹாலிவுட் படங்களில் முதல் நாளில் அதிக வசூல் செய்த திரைப்படம் இதுவாகும். மே 17 அன்று இந்தியாவில் வெளியான இப்படம் முதல் நாளில் சுமார் ரூ.17.50 கோடிக்கு மேல் வசூல் சாதனை நிகழ்த்தியுள்ளது. மிஷன் இம்பாசிபிஸ் தி ஃபைனல் ரெக்கனிங் திரைப்படத்திற்கு இந்தியாவில் மிகப்பெரிய அளவில் எதிர்பார்ப்பு இருப்பதை அறிந்த நடிகர் டாம் குரூஸ், இந்தியர்களுக்காக ஸ்பெஷல் மெசேஜ் ஒன்றையும் வீடியோ வாயிலாக தெரிவித்து இருந்தார். அதில் இந்தியாவின் கலாச்சாரம் தனக்கு மிகவும் பிடிக்கும் என்று கூறிய அவர், தான் பாலிவுட் ஸ்டைலில் ஒரு படத்தில் நடிக்க விரும்புவதாக தெரிவித்தார்.