தங்கம் விலை சற்று சரிவு

சென்னை: சென்னையில் நேற்று (மே 23) 22 காரட் ஆபரணத் தங்கத்தின் விலை சவரனுக்கு ரூ.280 குறைந்து, ஒரு சவரன் ரூ.71,520க்கு விற்பனையானது. கிராமுக்கு ரூ.35 குறைந்து, ஒரு கிராம் ரூ.8,940க்கு விற்பனையானது.

தமிழகத்தில் கடந்த 3 நாட்களுக்கு முன் (மே 21) 22 காரட் ஆபரண தங்கம் கிராம் 8930 ரூபாய்க்கும், சவரன் 71,440 ரூபாய்க்கும் விற்பனையானது. நேற்று முன்தினம் (மே 22) தங்கம் விலை கிராமுக்கு 45 ரூபாய் உயர்ந்து 8,975 ரூபாய்க்கு விற்பனையானது. சவரனுக்கு 360 ரூபாய் அதிகரித்து 71,800 ரூபாய்க்கு விற்பனையானது. இந்நிலையில், நேற்று (மே 23) 22 காரட் ஆபரணத் தங்கத்தின் விலை சவரனுக்கு ரூ.280 குறைந்து, ஒரு சவரன் ரூ.71,520க்கு விற்பனையானது. கிராமுக்கு ரூ.35 குறைந்து, ஒரு கிராம் ரூ.8,940க்கு விற்பனையானது. சவரனுக்கு ரூ.280 சரிந்து நகைப்பிரியர்களுக்கு சற்று ஆறுதலை கொடுத்துள்ளது.