சற்று குறைந்தது தங்கம் விலை

சென்னை, தங்கம் விலை கடந்த மாதம் (ஏப்ரல்) 22-ம் தேதி புதிய உச்சத்தை தொட்டு ஒரு சவரன் ரூ.74,320-க்கு விற்பனை செய்யப்பட்டது. இதனைத்தொடந்து தங்கம் விலை ஏற்ற, இறக்கத்துடன் இருந்து வந்தது. இந்த நிலையில் கடந்த 21, 22-ம் தேதிகளில் விலை அதிகரித்து, 23-ம் தேதி விலை குறைந்தது. அதேபோல், 24, 25-ம் தேதி உயர்ந்து, கடந்த 3 நாட்களுக்கு முன்பு குறைந்து காணப்பட்டது. இதன் தொடர்ச்சியாக நேற்று முன்தினம் மீண்டும் உயர்ந்தது.

கடந்த 3 நாட்களுக்கு முன் ஒரு கிராம் ரூ.8 ஆயிரத்து 950-க்கும், ஒரு பவுன் ரூ.71 ஆயிரத்து 600-க்கும் விற்பனை செய்யப்பட்டது. நேற்று முன்தினம் மாலை நேர நிலவரப்படி, கிராமுக்கு ரூ.45-ம், பவுனுக்கு ரூ.360-ம் உயர்ந்து, ஒரு கிராம் ரூ.8 ஆயிரத்து 995-க்கும், ஒரு பவுன் ரூ.71 ஆயிரத்து 960-க்கும் விற்பனை ஆனது.

இந்த நிலையில், தங்கம் விலை நேற்று (புதன்கிழமை) சற்று குறைந்து விற்பனை ஆனது. அதன்படி சென்னையில் 22 கேரட் ஆபரணத் தங்கத்தின் விலை நேற்று சவரனுக்கு ரூ.480 குறைந்து ஒரு சவரன் ரூ.71,480-க்கு விற்பனை ஆனது. தங்கம் விலை கிராமுக்கு ரூ.60 குறைந்து ஒரு கிராம் ரூ.8,935-க்கு விற்பனை ஆனது. வெள்ளி விலையில் மாற்றமின்றி ஒரு கிராம் ரூ.111-க்கும், ஒரு கிலோ ரூ.1 லட்சத்து 11 ஆயிரத்துக்கும் விற்பனை ஆனது.