மனிதர்கள்’ திரை விமர்சனம்

6 நண்பர்கள் சேர்ந்து மது அருந்துகிறார்கள். திடீரென்று அவர்களுக்கிடையே மோதல் ஏற்படுகிறது. அதில் ஒருவர் எதிர்பாரத விதமாக இறந்து விடுகிறார். அவரது உடலை யாருக்கும் தெரியாமல் புதைத்து விட்டு பிரச்சனையில் இருந்து தப்பிக்க மற்றவர்கள் முடிவு செய்கிறார்கள். அவர்களது முடிவு அவர்களுக்கு எத்தகைய முடிவை தேடிக்கொடுத்தது என்பதை வித்தியாசமான பயணமாக சொல்ல முயற்சித்திருப்பதே ‘மனிதர்கள்’

முதன்மை கதாபாத்திரங்களில் நடித்திருக்கும் கபில் வேலவன், தக்ஷா, அர்ஜுன் தேவ் சரவணன், குணவந்தன், சாம்பசிவம் ஆகியோர் நடிப்பு அருமையாக உள்ளது.

படம் முழுவதுமே இருள், ஒரே முகங்கள், அவர்களுக்கு இடையே ஒரே விசயம் பற்றிய ஒரே மாதிரியான விவாதங்கள், என்று கதை ஒரே இடத்தில் பயணிப்பது சற்று சலிப்பை தருகிறது.

திரைப்படத்திற்கான சில யுத்திகளை பயன்படுத்தினால் மட்டுமே அதற்கான பார்வையாளர்களை திருப்திப்படுத்த முடியும். ஆனால், அது எதுவும் இல்லாமல் இரவு நேரத்தையும், சில மனிதர்களையும் வைத்துக் கொண்டு இயக்குநர் சொல்லியிருக்கும் இந்த கிரைம் இன்னும் சற்று கிரைமாக சொல்லி இருக்கலாம்.

மொத்தத்தில் இந்த‘மனிதர்கள்’ இன்னும் திறம்பட செய்திருக்க வேண்டும்.