சஞ்சு அம்ப்ரோஸ் இயக்கும் தி கிளப்

நடன இயக்குனர் சஞ்சு அம்ப்ரோஸ்  இயக்கும் தி கிளப் என்ற படத்தை Fox movies சார்பில் மது தயாரிக்கிறார். இப்படத்தில் புதுமுகம் சஜன் நாயகனாக நடிக்க நாயகியாக மீனாட்சி நடிக்கிறார். தமிழ் மலையாளத்தில் உருவாகவுள்ள இப்படத்தின் படப்பிடிப்பு ஆகஸ்ட் 20 அன்று கேரளா  ஆலப்புழாவில் தொடங்கி, பெங்களூர், மைசூர் மற்றும் கோயம்புத்தூரில் நடைபெற உள்ளது. படம் பற்றி இயக்குனர் சஞ்சு அம்ப்ரோஸ் கூறுகையில், ஒரு பெண் நடன கலைஞரிடம் ஒரு புத்தகம் கிடைக்கிறது, அதில் ஒரு கிராமத்தில் காதலிக்க மறுத்த பெண்ணை ஒருவன் கொலை செய்கிறான் என்று எழுதப்பட்டுள்ளது.. அதன் உண்மை தன்மையை அறிய அந்த கிராமத்திற்கு அந்த நடனக் கலைஞர் செல்கிறார். அங்கு சென்று ஆராயும் போது அப்பெண் ஒரு பெரிய பிரச்சனையில் சிக்கிக் கொண்டிருப்து தெரிய வருகிறது. அந்தப் பெண்ணை அவள் காப்பாற்றினாலா இல்லையா என்பதை சொல்லும் கதை தான் தி கிளப் என்றார். இப்படத்திற்கு ஒளிப்பதிவு முரளி, இசை ராஜீவ் ரவி, கலை பின்டோஜாய்.