Idhayam Matrimony

மாணவர் சேர்க்கை குறைவு: தனியார் பாலிடெக்னிக் கல்லூரிகளில் முதலாம் ஆண்டு சேர்க்கை நிறுத்தம்

செவ்வாய்க்கிழமை, 29 ஜூலை 2025      தமிழகம்
Student 2023-05-25

Source: provided

சென்னை : தனியார் பாலிடெக்னிக் கல்லூரிகளில் முதலாம் ஆண்டு மாணவர் சேர்க்கை நிறுத்தப்பட்டது.

தமிழ்நாடு உயர்கல்வித்துறையின் தொழில்நுட்ப கல்வி இயக்ககத்தின் கீழ் 55 அரசு பாலிடெக்னிக் கல்லூரிகள், 31 அரசு உதவிப் பெறும் பாலிடெக்னிக் கல்லூரிகள் மற்றும் 401 தனியார் பாலிடெக்னிக் கல்லூரிகள் இயங்கி வருகின்றன. இதில், அரசு மற்றும் அரசு உதவிப் பெறும் கல்லூரிகளில் 32 ஆயிரத்துக்கும் அதிகமான டிப்ளமோ படிப்பு இடங்களும், தனியார் கல்லூரிகளில் 1.10 லட்சம் இடங்களும் உள்ளன. கடந்த கல்வியாண்டில், பாலிடெக்னிக் கல்லூரிகளில் மாணவர் சேர்க்கையை பொறுத்தவரையில் 91 ஆயிரம் இடங்கள் காலியாக இருந்தன. நடப்பு கல்வியாண்டில் மாணவர் சேர்க்கையை உயர்த்த வேண்டும் என்ற நோக்கத்தில் உயர்கல்வித்துறை பல்வேறு முன்னெடுப்புகளை எடுத்தது.

அந்த வகையில், 2025-26-ம் கல்வியாண்டு மாணவர் சேர்க்கை சமீபத்தில் தொடங்கி நடைபெற்று வருகிறது. மாணவர் சேர்க்கையை பொறுத்தவரையில் நேரடி சேர்க்கையாக நடைபெற்று வருகிறது. இருப்பினும் எதிர்பார்த்தபடி விறுவிறுப்பாக நடைபெறவில்லை. இதற்கு, மாணவர்கள் மத்தியில் நிலவும் என்ஜினீயரிங், கலை மற்றும் அறிவியல் படிப்பின் மீதான மோகமே காரணம் என உயர்கல்வித்துறை அதிகாரிகள் தெரிவிக்கிறார்கள். அரசு பாலிடெக்னிக் கல்லூரிகளில் 80 சதவீத இடங்களும், அரசு உதவிப் பெறும் கல்லூரிகளில் 70 சதவீத இடங்களும் நிரம்பி இருப்பதாக தகவல்கள் வெளியாகி உள்ளன.

இந்த சூழலில், குறைந்து வரும் மாணவர் சேர்க்கை காரணமாக, கடந்த ஆண்டை காட்டிலும், நடப்பு கல்வியாண்டு 80 கல்லூரிகள் பாலிடெக்னிக் மாணவர் சேர்க்கை கலந்தாய்வில் பங்கேற்காமல், மாணவர் சேர்க்கையை நிறுத்தியுள்ளன என்ற அதிர்ச்சி தகவல்கள் வெளியாகி உள்ளன. அதாவது, 5-ல் 1 பங்கு கல்லூரிகள் முதலாம் ஆண்டு டிப்ளமோ படிப்பு மாணவர் சேர்க்கையில் ஆர்வம் காட்டவில்லை. கலந்தாய்வில் பங்கேற்ற 321 தனியார் கல்லூரிகளில், மொத்தமாக 36 ஆயிரம் இடங்கள் மட்டுமே நிரம்பி இருப்பதாக உயர்கல்வித்துறை அதிகாரிகள் தகவல் தெரிவித்துள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 1 month ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 month ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 2 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 2 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 4 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 4 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.