சரண்டர் திரைவிமர்சனம்

காவல் நிலையத்தில் ஒரு துப்பாக்கி மாயமாகிறது. 4 நாட்களுக்குள் அந்த துப்பாக்கியை கண்டுபிடித்தாக வேண்டிய கட்டாயத்தில் இருக்கும் எஸ்.ஐ தர்ஷனுக்கு, ரவுடி சுஜித் மூலம் ஒரு பிரச்சனை வருகிறது. அந்த பிரச்சனையில் இருந்து தப்பிக்க வேண்டும், காணாமல் போன துப்பாக்கியையும் கண்டுபிடித்தாக வேண்டும் என்ற இக்கட்டான சூழ்நிலைகளை அவர் எப்படி சமாளித்து பிரச்சனைகளுக்கு தீர்வு காண்கிறார் என்பதை பரபரப்பாக சொல்வதே ‘சரண்டர்’ படத்தின் கதை. நாயகனாக நடித்திருக்கும் தர்ஷன் நடிப்பிலும் ஆக்‌ஷன் காட்சிகளிலும், உணர்வுப்பூர்வமாக நடித்து ஸ்கோர் செய்திருக்கிறார். தலைமை காவலராக நடித்திருக்கும் லால், தனது அனுபவ நடிப்பால் படத்திற்கு பலம் சேர்த்திருக்கிறார். வில்லனாக நடித்திருக்கும் சுஜித், ரவுடி கதாபாத்திரத்தில் மிரட்டுகிறார். விகாஷ் படிஷாவின் பின்னணி இசை படத்தின் பரபரப்பையும், விறுவிறுப்பையும் அதிகரிக்கச் செய்கிறது. எழுதி இயக்கியிருக்கும் கவுதமன் கணபதி, சாதாரணமான ஒரு சம்பவத்தை வைத்துக் கொண்டு, பரபரப்பான திரைக்கதை மற்றும் காட்சிகள் மூலம், முழுமையான ஆக்‌ஷன் திரில்லர் படத்தை கொடுத்திருக்கிறார். மொத்தத்தில், ‘சரண்டர்’ சமரசமில்லாதது