தங்கம் விலை மீண்டும் புதிய உச்சம்: சவரன் ரூ.75,760-ஐ தொட்டது

சென்னை : சென்னையில் நேற்று (ஆகஸ்ட் 08) 22 காரட் ஆபரண தங்கத்தின் விலை சவரனுக்கு ரூ.560 அதிகரித்து ஒரு சவரன் ரூ.75,760க்கு விற்பனையானது. 

சர்வதேச நிலவரங்களால், நம் நாட்டில் தங்கம் விலை உயர்ந்து வருகிறது. தமிழகத்தில் கடந்த 3 நாட்களுக்கு முன் 22 காரட் ஆபரண தங்கம், கிராம் 9,380 ரூபாய்க்கும், சவரன், 75,040 ரூபாய்க்கும் விற்பனையானது. நேற்று முன்தினம் (ஆகஸ்ட் 07) தங்கம் விலை, கிராமுக்கு 20 ரூபாய் உயர்ந்து, 9,400 ரூபாய்க்கு விற்பனையானது.  சவரனுக்கு 160 ரூபாய் அதிகரித்து, 75,200 ரூபாய்க்கு விற்பனையானது. 

இந்நிலையில் நேற்று (ஆகஸ்ட் 08) 22 காரட் ஆபரண தங்கத்தின் விலை சவரனுக்கு ரூ.560 அதிகரித்து ஒரு சவரன் ரூ.75,760க்கு விற்பனையானது. கிராமுக்கு ரூ.70 உயர்ந்து ஒரு கிராம் ரூ.9,470க்கு விற்பனையானது.  தங்கம் விலை முதல்முறையாக, புதிய உச்சத்தை தொட்டு ஒரு சவரன் ரூ.75,760 விற்பனையானது. இதனால் நகைப்பிரியர்கள் அதிர்ச்சி அடைந்துள்ளனர்.