காத்துவாக்குல ஒரு காதல் விமர்சனம்

நாயகன் மாஸ் ரவியும், நாயகி லட்சுமி பிரியாவும் உயிருக்கு உயிராக காதலிக்கிறார்கள். ஒரு நாள் ரவி திடீரென்று காணாமல் போகிறார். ரவுடி கும்பலில் ஒருவராக ரவியை மீண்டும் கண்டு பிடிக்கிறார் லட்சுமி பிரியா, ஆனால், அவரோ லட்சுமி பிரியாவை கண்டு கொள்ளாமல் கடந்து செல்கிறார். மாஸ் ரவியின் இந்த மாற்றத்திற்கு காரணம் என்ன என்பதை பல ஃபிளாஷ் பேக் கலந்து சொல்வதே ‘காத்துவாக்குல ஒரு காதல்’. படத்தை இயக்கி, நாயகனாக நடித்திருக்கும் மாஸ் ரவி, மென்மையான மற்றும் அதிரடியானவர் என இரண்டு கெட்டப்புகளில் அசத்தியிருக்கிறார். நாயகி லட்சுமி பிரியா திறமையான நடிப்பு மூலம் கவர்கிறார். மற்றொரு நாயகி மஞ்சு நடிப்பும் அசத்தல். கல்லூரி வினோத், சூப்பர் சுப்பராயன் சாய் தீனா ஆதித்யா பாஸ்கர் மற்றும் தங்கதுரை வரும் காட்சிகள் சிரிக்க வைக்கிறது. இசைமைப்பாளர்கள் ஜிகேவி மற்றும் மிக்கின் அருள்தேவ் இசை ஓகே ரகம். மொத்தத்தில், ‘காத்துவாக்குல ஒரு காதல்’ சுமார் ரகமே.