தருண் விஜய் நடிக்கும் குற்றம் புதிது

ஜி.கே.ஆர் சினி ஆர்ட்ஸ் தயாரிப்பில் நோஹா ஆம்ஸ்ட்ராங் இயக்கத்தில், அறிமுக நடிகர் தருண் விஜய் நடிப்பில் உருவாகியுள்ள படம் குற்றம் புதிது. நாயகியாக சேஷ்விதா கனிமொழி நடிக்க, மதுசூதன் ராவ், நிழல்கள் ரவி, ராமச்சந்திரன் துரைராஜ், பாய்ஸ் ராஜன், பிரியதர்ஷினி ராஜ்குமார் ஆகியோர் முக்கிய பாத்திரத்தில் நடித்திருக்கிறார்கள். சமீபத்தில் வெளியான டீசர் ரசிகர்களிடையே பலத்த எதிர்பார்ப்பை ஏற்படுத்தியிருப்பதோடு, டீசரில் நாயகன்  தருண் விஜயின் நடிப்பும், உடல் மொழியும் கவனம் ஈர்த்துள்ளது. படம் பற்றி இயக்குனர் நோஹா ஆம்ஸ்ட்ராங் கூறுகையில், இந்த படத்திற்காக நாயகன் தருண் விஜய் பல்வேறு பயிற்சிகளை எடுத்துக் கொண்டார். குறிப்பாக கொரில்லா போல் நடப்பதற்காக மூன்று மாதங்கள் சிற்றபு பயிற்சி எடுத்தார். நிச்சயம் அவரது நடிப்பு பாரட்டு பெறும் என்றார். நாயகன் தருண் விஜய் கூறுகையில், நடிகராக வேண்டும் என்பதற்காக கல்லூரி படிக்கும் போதே, நடிப்பு, நடனம், ஆக்‌ஷன் ஆகியவற்றில் பயிற்சி பெற்றறுள்ளேன் என்று கூறினார். இப்படத்தின் படப்பிடிப்பு மற்றும் அனைத்து பணிகளும் முடிவடைந்து இம்மாதம் திரையரங்குகளில் வெளியாக உள்ளது.