பிரவீன் காண்ட்ரேகுலா இயக்கும் பர்தா

சினிமா பண்டி’, ‘சுபம்’ ஆகிய படங்களை இயக்கிய பிரவீன் காண்ட்ரேகுலா தற்போது பர்தா என்ற படத்தை இயக்கி வருகிறார். இப்படத்தில் அனுபமா பரமேஸ்வரன் சுப்பு என்ற கதாபாத்திரத்தில் நடித்துள்ளார். படம் பற்றி பேசிய இயக்குனர் பிரவீன் காண்ட்ரேகுலா, ஒரு சிறிய கிராமத்தில் இருக்கும் இளம் பெண்ணான சுப்பு தனது முகத்தை பர்தாவில் மறைத்து வைக்க வேண்டும் என்ற பாரம்பரியத்திற்கு கட்டுப்பட்டு நடக்கிறாள். ஆனால், நகரத்தைச் சேர்ந்த தர்ஷனா மற்றும் சங்கீதா கிரிஷ் இருவரையும் சந்திக்கும்போது சுப்புவின் தலை எழுத்து முற்றிலும் மாறுகிறது. அப்படி என்ன நடக்கிறது என்பதுதான் ஒரு வரிக்கதை என்றார். ஆனந்த மீடியா விஜய் டோங்கடா, ஸ்ரீனிவாசுலு பி.வி மற்றும் ஸ்ரீதர் மக்குவா ஆகியோரால் தயாரிக்கப்படும் இந்த பர்தா படத்தில் ராக் மயூர் முக்கிய கதாபாத்திரத்தில் நடித்துள்ளார். ஆகஸ்ட் 22 அன்று தெலுங்கு மற்றும் மலையாளத்தில் இப்படம் ஒரே நேரத்தில் வெளியாகிறது.