தீபாவளி பண்டிகை எதிரொலி: 10 நிமிடங்களிலேயே முடிந்த ரயில் டிக்கெட் முன்பதிவு

சென்னை: தீபாவாளி நாளான அக்டோபர் 26-ம் தேதிக்கான முன்பதிவு நேற்று தொடங்கியது.  முன்பதிவு தொடங்கிய 10 நிமிடங்களிலேயே முடிந்தது.

தீபாவளி பண்டிகை இந்த ஆண்டு அக்டோபர் மாதம் 20-ம் தேதி திங்கட்கிழமை கொண்டாடப்படுகிறது. தீபாவளி பண்டிகையை தங்களது குடும்பங்களுடன் கொண்டாட விரும்பும் வெளியூரில் வசிப்பவர்கள் சொந்த ஊர்களுக்கு ரயில், பேருந்துகளில் செல்வார்கள். இதற்காக சிறப்பு பேருந்துகளும், ரயில்களும் இயக்கப்படுகின்றன.

இந்த நிலையில், அக்டோபர் 16-ம் தேதிக்கான ரயில் டிக்கெட் முன்பதிவு நேற்று காலை 8 மணிக்கு தொடங்கியது. இணையதளம் மற்றும் ரயில் நிலைய முன்பதிவு மையங்களில் நேற்று காலை 8 மணி முதல் அனைத்து வகுப்புகளுக்கும் முன்பதிவு நடைபெற்றது.

குறிப்பாக மதுரை, திருநெல்வேலி, தென்காசி ஆகிய மாவட்டங்களுக்கு புறப்படும் பாண்டியன், நெல்லை, பொதிகை விரைவு ரயில்களில் 10 நிமிடங்களிலேயே முன்பதிவு முடிந்து காத்திருப்போர் பட்டியல் காட்டியது. அக்டோபர் 19-ந்தேதிக்கான ரயில் முன்பதிவு வருகிற புதன்கிழமையும், தீபாவாளி நாளான அக்டோபர் 20-ம் தேதிக்கான முன்பதிவு வருகிற வியாழக்கிழமையும் தொடங்க உள்ளது.