கேப்டன் பிரபாகரன் திரைவிமர்சனம்

விஜயகாந்தின் 100 வது படமான ‘கேப்டன் பிரபாகரன்’  34 வருடங்களுக்கு முன்பு வெளியாகி மிகப்பெரிய வெற்றி பெற்ற படம். இப்படம் இப்போது  டிஜிட்டல் தொழில் நுட்பத்தில் மீண்டும் வெளியாகியிருக்கிறது. வீரப்பனின் முகம் வெளியுலகிற்கு தெரியாத அந்த கால கட்டத்தில், வீரப்பன் யார்?, அவன் இப்படி ஒரு குற்றவாளியாக உருவெடுக்க காரணமானவர்கள் யார் யார்? என்பதை மையக்கருவாக கொண்டு திரைக்கதை அமைத்து இயக்கியிருக்கிறார்  ஆர்.கே.செல்வமணி, ஆக்‌ஷன் வசன உச்சரிப்பு என படம் முழுவதும் தனது ஆளுமையை நிலைநாட்டியிருக்கும் விஜயகாந்த், படத்திற்காக கடுமையாக உழைத்திருப்பது தெரிகிறது. வில்லன் மன்சூர் அலிகானின் காட்சிகள் ஆச்சரியத்தை ஏற்படுத்துகிறது. சரத்குமார், ரம்யா கிருஷ்ணன், ரூபினி உள்ளிட்ட பலர் திரைக்கதை ஓட்டத்திற்கு உதவி இருக்கிறார்கள்.  இளையராஜா இசை படத்திற்கு மிகப்பெரிய பலம். லியாகத் அலிகானின் வசனம் வீரமாக உயர்ந்திருக்கிறது. எழுதி இயக்கியிருக்கும் ஆர்.கே.செல்வமணி 34 வருடங்களுக்கு முன்பு ரசிகர்களுக்கு சிறப்பான திரையரங்க அனுபவத்தை கொடுத்தது போலவே இப்போதும் கொடுத்து இருக்கிறார்