இந்த வாரம் வெளியாகும் குற்றம் புதிது இசை

ஜிகேஆர் சினி ஆர்ட்ஸ் தயாரிக்கும் படம் ‘குற்றம் புதிது’. நோவா ஆம்ஸ்ட்ராங் எழுதி இயக்கி இருக்கும் இந்தப் படத்தில் தருண் விஜய் கதாநாயகனாக அறிமுகமாகிறார். கதாநாயகியாக சேஷ்விதா கனிமொழி நடிக்கிறார். இவர்களுடன் மது சூதனராவ், நிழல்கள் ரவி, உள்ளிட்டப் பலர் நடித்திருக்கின்றனர். ஆகஸ்ட் 29 ஆம் தேதி வெளியாவதை ஒட்டி இப்படத்தின் இசை வெளியீட்டு விழா சமீபத்தில் நடைபெற்றது. விழாவில் தயாரிப்பாளரும் நடிகருமான தருண் விஜய் பேசுகையில், பொறுமையாக தொடங்கும் இந்த படம் போகப்போக ஆடியன்ஸை சீட்டின் நுனியில் அமர வைக்கும். கதிரேசன் என்ற ஃபுட் டெலிவரி பையனாக நடித்திருக்கிறேன். உடன் நடித்தவர்கள் எல்லோரும் அனுபவசாலிகள் என்பதால் கொஞ்சம் பதட்டம் இருந்தது. ஆனால், எல்லோரும் ஆதரவு கொடுத்தார்கள் என்றார். படத்தின் இயக்குநர் நோவா ஆம்ஸ்ட்ராங் பேசுகையில்,  நாயகன் தருணுக்கு மிகச் சிறப்பான எதிர்காலம் உள்ளது. கொரிலாவாக நடிக்க கடுமையான பயிற்சி எடுத்தார். அதே போல், சேஷ்விதா, பிரியதர்ஷினி, நிழல்கள் ரவி என எல்லாருமே சிறப்பாக நடித்துக் கொடுத்திருக்கிறார்கள் எல்லோருக்கும் நன்றி என்றார்.