அந்த 7 நாட்கள் படத்தில் மீண்டும் இணைந்த பாக்யராஜ்

பெஸ்ட்காஸ்ட் ஸ்டுடியோஸ் சார்பில் முரளி கபீர்தாஸ் தயாரிக்கும் படம் அந்த 7 நாட்கள். அறிமுக இயக்குனர் எம். சுந்தர் இயக்கியிருக்கும் இப்படத்தில் அஜித்தேஜ் நாயகனாக நடிக்க அவருக்கு ஜோடியாக ஸ்ரீஸ்வேதா நடித்துள்ளார். பாக்யராஜ்  முக்கிய கதாபாத்திரத்தில் நடிக்க அவருடன் நமோ நாராயணன், சுபாஷினி கண்ணன், செம்புலி ஜெகன், மற்றும் பலர் நடித்துள்ளனர். சச்சின் சுந்தர் இசையமைத்துள்ளார். படம் குறித்து தயாரிப்பாளர் கபீர்தாஸ் கூறுகையில், இயக்குநர் கே. பாக்யராஜ் அவர்களின் 'அந்த 7 நாட்கள்' படத்தலைப்புதான் இந்தக் கதைக்கு பொருத்தமாக இருக்கும் என நினைத்தோம். இயக்குநர் பாக்யராஜிடம்  அனுமதி கேட்டபோது உடனே ஒத்துக் கொண்டார். சென்னை மற்றும் கொடைக்கானலில் 45 நாட்களில் இந்தக் கதை படமாக்கப்பட்டுள்ளது. என்றார். இயக்குனர் எம். சுந்தர் பேசுகையில், கதையில் 7 நாட்களுக்குள் ஒரு அசம்பாவிதம் நடக்க இருக்கிறது. அது நடந்ததா.. தடுக்கப்பட்டதா என்பது தான் ஒரு வரிக்கதை என்றார்.