சுப்ரீம் கோர்ட்டுக்கு இரு புதிய நீதிபதிகள்: மத்திய அரசுக்கு கொலீஜியம் பரிந்துரை

புதுடெல்லி, நீதிப​தி​கள் ஆலோக் ஆராதே, விபுல் எம்​.பஞ்​சோலி ஆகிய இரு​வரை​யும் சுப்ரீம் கோர்ட் நீதிப​தி​களாக நியமிக்க மத்​திய அரசுக்கு கொலீஜியம் பரிந்​துரை அளித்​துள்​ளது.

தலைமை நீதிபதி பி.ஆர்​.க​வாய், நீதிப​தி​கள் சூர்ய காந்த், விக்​ரம் நாத், ஜே.கே.மகேஸ்​வரி, பி.​வி.​நாகரத்னா ஆகிய 5 உறுப்​பினர்​களை கொண்ட சுப்ரீம் கோர்ட் கொலீஜி​யம் கூடி ஆலோ​சனை நடத்​தி​யது. இதில் நீதிப​தி​கள் ஆலோக் ஆராதே, விபுல் எம்​.பஞ்​சோலி ஆகிய இரு​வரை​யும் சுப்ரீம் கோர்ட் நீதிப​தி​களாக நியமிக்க மத்​திய அரசுக்கு பரிந்​துரை அளித்​துள்​ளது. இந்​தப் பரிந்​துரைக்கு மத்​திய அரசு ஒப்​புதல் அளித்​தால், குடியரசுத் தலை​வர், இரு​வரை​யும் சுப்ரீம் கோர்ட் நீதிப​தி​களாக நியமித்து உத்​தர​விடு​வார்.

சுப்ரீம் கோர்ட் நீதிப​தி​யாக விபுல் எம்​.பஞ்​சோலி நியமிக்​கப்​பட்​டால் அவர் 2031 மே மாதம் முதல் 16 மாதங்​களுக்கு தலைமை நீதிப​தி​யாக பதவி வகிப்​பார். 1964-ம் ஆண்டு பிறந்த நீதிபதி ஆராதே, மத்​தி​யபிரதேச உயர் நீதி​மன்​றத்​தில் கடந்த 2009 டிசம்​பரில் கூடு​தல் நீதிப​தி​யாக நியமிக்​கப்​பட்​டார். மும்பை உயர் நீதி​மன்ற தலைமை நீதிப​தி​யாக பதவி வகித்தார்.

குஜராத் மாநிலத்தை சேர்ந்த நீதிபதி பஞ்​சோலி 7 ஆண்​டு​கள் உதவி அரசு வழக்​கறிஞ​ராக​வும் கூடு​தல் அரசு வழக்​கறிஞ​ராக​வும் பணி​யாற்​றி​னார். 2014 அக்​டோபரில் குஜ​ராத் உயர் நீதி​மன்ற கூடு​தல் நீதிப​தி​யாக​வும் 2016 ஜூன் மாதம் நிரந்தர நீதிப​தி​யாகவும் நியமிக்​கப்​பட்​டார்.