எவ்வளவு நெருக்கடி வந்தாலும் நம் விவசாயிகளை நிச்சயம் காப்பேன்: பிரதமர் உறுதி

புதுடெல்லி : ​நாட்​டில் உள்ள சிறு நிறு​வனங்​கள், விவ​சா​யிகளை பாது​காக்​கும் விஷ​யத்​தில் எவ்​வளவு நெருக்​கடிகள் வந்​தா​லும் கவலை​யில்​லை’’ என்று பிரதமர் நரேந்​திர மோடி உறு​தி​யாக தெரி​வித்​தார். 

உலக நாடு​களுக்கு அதி​கபட்ச வரி விதித்த அமெரிக்க அதிபர் ட்ரம்ப், இந்​தி​யா​வுக்கு 25 சதவீத வரியை விதித்​தார். உக்​ரைன் மீது போர் தொடுத்​துள்ள ரஷ்​யா​விடம் இருந்து கச்சா எண்​ணெய் வாங்​கு​வ​தால், இந்​தி​யா​வுக்கு கூடு​தலாக 25% வரியை அறி​வித்​தார்.

இதற்​கான உத்​தர​வில் ட்ரம்ப் கையெழுத்​திட்​டார். இதையடுத்து அமெரிக்கா​வுக்கு இந்​தி​யா​வில் இருந்து ஏற்​றுமதி செய்​யப்​படும் பொருட்​களுக்கு மொத்​த​மாக 50 சதவீத வரி விதிக்​கப்​படும். இந்த நடை​முறை நேற்று அமலுக்கு வந்தது. 

இந்​நிலை​யில், குஜ​ராத் மாநிலம் அகம​தா​பாத்​தில்  நடை​பெற்ற பேரணி மற்​றும் பொதுக் கூட்​டத்​தில் பிரதமர் மோடி பங்​கேற்​றார். அப்​போது பிரதமர் மோடி பேசி​ய​தாவது: உலகள​வில் தற்​போது பொருளா​தார ரீதி​யாக அரசி​யல் செய்​வ​தில் ஒவ்​வொரு​வரும் பரபரப்​பாக இருக்​கின்​றனர். ஆனால்​,அகம​தா​பாத் மண்​ணில் இருந்து ஒன்று சொல்​கிறேன். மகாத்மா காந்​தி​யின் மண்​ணில் இருந்து ஒன்று சொல்​கிறேன்.

என்​னுடைய சிறு நிறு​வனங்​களைச் சேர்ந்த சகோ​தர, சகோ​தரி​கள், சிறிய கடை வைத்​துள்ள சகோ​தர, சகோ​தரி​கள், சிறு விவ​சாய சகோ​தர, சகோ​தரி​கள் யாராக இருந்​தா​லும், அவர்​களுக்கு மீண்​டும் மீண்​டும் உறுதி அளிக்​கிறேன். உங்​களு​டைய நலன், உணர்​வு​கள்​தான் இந்த மோடிக்கு முதன்​மை​யானது.

எனது நாட்​டில் சிறு நிறு​வனங்​கள் வைத்​திருப்​பவர்​கள், விவ​சா​யிகளைப் பாது​காப்​ப​தில் உறு​தி​யாக இருக்​கிறேன். அதற்கு தடை​யாக எத்​தனை நெருக்​கடி வந்​தா​லும், அவர்​களின் வாழ்​வா​தா​ரத்தை விட்​டுத்தர மாட்​டேன். அவர்​களுக்கு சிறு கஷ்டம் வரு​வதை என்​னுடைய தலை​மையி​லான அரசு பொறுத்​துக் கொள்​ளாது. எத்​தனை நெருக்​கடி வந்​தா​லும், அவற்றை தாங்​கும் வலிமையை அதி​கரித்து கொண்டே இருப்​போம் என்று தெரிவித்தார்.