பாம் இசை வெளியீட்டு விழா

ஜெம்பிரியோ பிக்சர்ஸ் சுதா சுகுமார் மற்றும் சுகுமார் பாலகிருஷ்ணன் தயாரிப்பில், அர்ஜூன் தாஸ், ஷ்வாத்மிகா ராஜசேகர் நடிக்கும் படம் பாம். செப்டம்பர் 12 ஆம் தேதி திரைக்கு வரவுள்ள இப்படத்தின் இசை மற்றும் டிரெய்லர் வெளியீட்டு விழா, சமீபத்தில் நடைபெற்றது. அப்போது ஷரைலி பாலகிருஷ்ணன் பேசியதாவது… அன்புதான் நம்மை எல்லோரையும் ஒன்றிணைக்கிறது என்ற மையக்கருவை அடிப்படையாக கொண்டு இந்தப்படம் உருவாகி இருக்கிறது என்றார். இயக்குநர் ரா பார்த்திபன் பேசியதாவது. அர்ஜூன் தாஸைப் பார்த்தால் ஹீரோவை மையமாக வைத்துப் படமெடுக்கத் தோன்றுகிறது. தயாரிப்பாளருக்கு இந்தப்படம் மிகப்பெரிய வெற்றிப்படமாக அமையட்டும் என்றார். அர்ஜூன் தாஸ் பேசுகையில், இந்தப்படத்தில் நான் லீட் இல்லை, விஷால் அவர் டீம் தான் லீட். நான் ஒரு குட்டி பார்ட். ஷிவாத்மிகா அருமையாக நடித்துள்ளார், அவருடன் வேலை பார்த்தது சந்தோஷம். விஷால் கதை சொன்னவுடன் – "நான் தான் பண்ணனுமா எனக் கேட்டேன். எல்லோரும் சொல்லியும் என்னை நம்பி இப்படத்தை தந்ததற்கு நன்றி. இப்படம் கண்டிப்பாக அனைவருக்கும் பிடிக்கும் என்றார்.