முதல்வர் மு.க.ஸ்டாலின் தலைமையில் இன்று தி.மு.க. மாவட்ட செயலாளர்கள் கூட்டம்

சென்னை, முதல்வர் மு.க.ஸ்டாலின் தலைமையில் இன்று தி.மு.க. மாவட்ட செயலாளர்கள் கூட்டம் நடைபெறவுள்ளதாக தி.மு.க. பொதுச்செயலாளர் துரைமுருகன் அறிவிப்பு வெளியிட்டுள்ளார். இந்த கூட்டத்தில் தி.மு.க. முப்பெரும் விழா, ஓரணியில் தமிழ்நாடு உறுப்பினர் சேர்க்கை குறித்து ஆலோசனை நடைபெறுகிறது.

ஜெர்மனி, இங்கிலாந்து பயணத்தை நிறைவு செய்த முதல்வர் மு.க.ஸ்டாலின் நேற்று தமிழகம் திரும்பினார். இந்நிலையில், முதல்வரும்,  தி.மு.க. தலைவருமான மு.க.ஸ்டாலின் தலைமையில் இன்று தி.மு.க. மாவட்ட செயலாளர்கள் கூட்டம் நடைபெற உள்ளது.

இது தொடர்பாக தி.மு.க. பொதுச்செயலாளர் துரைமுருகன் வெளியிட்ட அறிக்கையில், தி.மு.க. தலைவர் மு.க.ஸ்டாலின் தலைமையில் இன்று (செவ்வாய்கிழமை) நண்பகல் 12 மணிக்கு தி.மு.க. மாவட்ட செயலாளர்கள் கூட்டம் நடைபெறுகிறது. காணொலி காட்சி வாயிலாக நடைபெறும் இந்த கூட்டத்தில் மாவட்ட செயலாளர்கள் அனைவரும் கலந்துகொள்ள வேண்டும். தி.மு.க. முப்பெரும் விழா, ஓரணியில் தமிழ்நாடு உறுப்பினர் சேர்க்கை குறித்து கூட்டத்தில் ஆலோசனை நடைபெற உள்ளது.

இவ்வாறு தெரிவித்துள்ளார்.