விஜய் தலைமையில் ஜனநாயக புரட்சியை சந்திக்க உள்ளோம் : ஆதவ் அர்ஜுனா அறிக்கை

சென்னை : விஜய் தலைமையில் ஜனநாயக புரட்சியை சந்திக்க உள்ளதாக ஆதவ் ஜுனா தெரிவித்துள்ளார்.

த.வெ.க. தேர்தல் பிரச்சார மேலாண்மை பொதுச்செயலாளர் ஆதவ் அர்ஜுனா வெளியிட்டுள்ள அறிக்கையில் கூறியிருப்பதாவது:-

கொள்கைத் தலைவர்களையும் மாநில உரிமைகளின் முன்னோடிகளையும் கண்ட தமிழ்நாடு, அந்த அடிப்படை அரசியலிலிருந்து விலகிய காலத்தில் எல்லாம் மாபெரும் புரட்சியைக் கண்டது. 1967-ம் ஆண்டின் சாமானிய புரட்சி, 1977-ம் ஆண்டின் சரித்திரப் புரட்சி என்ற வரிசையில் 2026-ம் ஆண்டு மக்கள் தலைவர் விஜய் தலைமையில் ஜனநாயகப் புரட்சியைச் சந்திக்க உள்ளது. 

மக்களுக்காக, மக்களில் ஒருவராக, மக்கள் தலைவர் இன்று முதல் தமிழ்நாடு முழுவதும் தொடங்கவுள்ள மக்கள் சந்திப்பு, மக்கள் விரோத ஆட்சிக்கு முடிவுரை எழுதப்போகிறது. வாகை சூடும் வரலாறு திரும்புகிறது, வெற்றிப் பேரணியில் தமிழ்நாடு!' என்ற பிரசார முழக்கம் இனி உலகம் முழுக்க ஒலிக்கட்டும். என தெரிவித்துள்ளார்.