யோலோ திரைவிமர்சனம்

யுடியூப் சேனல் நடத்தும் நாயகன் தேவுக்கும், நாயகி தேவிகாவுக்கும் திருமணம் நடந்ததாக சிலர் கூறுகிறார்கள். தங்களுக்கே தெரியாமல் தங்களது திருமண எப்படி நடக்கும் என்பதால் அதிர்ச்சியடையும், நாயகனும், நாயகியும் அதன் பின்னணியை கண்டுபிடிக்க களத்தில் இறங்குகிறார்கள். அதை அவர்கள் எப்படி கண்டுபிடிக்கிறார்கள் என்பது தான் ’யோலோ படத்தின் கதை. நாயகன் தேவ் மற்றும் நாயகி தேவிகா இளமை துள்ளலோடு படம் முழுவதும் ஜொலித்திருக்கிறார்கள். விஜே நிக்கி, ஆகாஷ் பிரேம்குமார், கிரி துவாரகிஷ், படவா கோபி, யுவராஜ் கணேசன், ஸ்வாதி நாயர், பூஜா உள்ளிட்ட அனைவரும் சிறப்பாக நடித்து திரைக்கதை ஓட்டத்திற்கு பலம் சேர்த்திருக்கிறார்கள். சகிஷ்மா சேவியன் இசையில் பாடல்களும் அருமை. சூராஜ் நல்லுசாமியின் ஒளிப்பதிவில் படம் முழுவதும் கலர்புல்லாக பயணிக்கிறது.  திரைக்கதை எழுதி இயக்கியிருக்கும் சாம்.எஸ், கதையை காமெடியாக சொல்ல முயற்சித்திருந்தாலும், திரைக்கதையில் இன்னும் கூடுதல் கவனம் செலுத்தி இருந்தால் படம் நிச்சயம் வெற்றி பெற்றிருக்கும்.