சக்தித் திருமகன் திரைவிமர்சனம்

தலைமைச் செயலகத்தில் இடைத்தரகர் பணி செய்து வரும் விஜய் ஆண்டனி, கேட்ட பணத்தை கொடுத்தால் எந்த வேலையாக இருந்தாலும், அதை செய்து முடிக்க கூடியவர். இதே வேலையை சர்வதேச அளவில் செய்யும் வில்லன் சுனில் கிர்பலானி, விஜய் ஆண்டனியை அழிக்க நினைக்கிறார். அவரிடம் இருந்து விஜய் ஆண்டனி எப்படி தப்பிக்கிறார் என்பதைச் சொல்லும் படமே சக்தித் திருமகன். விஜய் ஆண்டனியின் திட்டங்களும், அதை செயல்படுத்தும் விதமும் படத்திற்கு பலம் சேர்த்திருக்கிறது. நாயகி திருப்தி ரவீந்திராவுக்கு பெரிய வேலை இல்லை என்றாலும், கொடுத்த வேலையை நிறைவாக செய்திருக்கிறார். வில்லன் சுனிலின் திமிரான பேச்சும், உடல் மொழியும் அவரது கதாபாத்திரத்தை கவனிக்க வைக்கிறது. செல் முருகன், கிரண் குமார், ஷோபா விஸ்வநாத், ரியா ஜித்து, வாகை சந்திரசேகர் என மற்ற வேடங்களில் நடித்திருப்பவர்களின் கதாபாத்திரமும் நடிப்பும் நிறைவு. விஜய் ஆண்டனி இசையில் பாடல்களும், பின்னணி இசையும் அருமை. எழுதி இயக்கியிருக்கும் அருண் பிரபு, சமகால அரசியல் மற்றும் மறைமுக அரசியல் வியாபாரத்தை அப்பட்டமாக சொல்லியிருக்கிறார். பால் விலை உயர்வு முதல் தோசை மாவுக்கு போடப்படும் ஜி.எஸ்.டி என அரசு திட்டங்களினால் சாதாரண மக்கள் பாதிக்கப்படுவது பற்றி மக்களை கேள்வி கேட்க தூண்டியிருக்கும் இயக்குநர் அருண் பிரபு இப்படத்தை ஒரு முறை பார்க்கும் படி கொடுத்திருக்கிறார்.