படையாண்ட மாவீரா திரைவிமர்சனம்

மறைந்த எம்.எல்.ஏ காடுவெட்டி குரு மக்களுக்காகவும், மண்ணுக்காகவும் போராடி அனைவரையும் ஒன்றினைத்து தமிழ் தேசியத்தை உருவாக்க நினைத்த மாவீரன் என்று சொல்லும் படமே ‘படையாண்ட மாவீரா’. காடுவெட்டி குரு கதாபாத்திரத்தில் நடித்திருக்கும் இயக்குநர் வ.கெளதமன், விஜயகாந்த் போலவே நடித்திருக்கிறார். உணர்ச்சிகரமான வசனங்கள் பேசும் காட்சிகளில் நெருப்பாக கொதிக்கிறார். நாயகி பூஜிதா பொன்னாடாவும் அழகான நடிப்பைக் கொடுத்துள்ளார். காடுவெட்டி குருவின் அப்பாவாக வரும் சமுத்திரக்கனி தனது நடிப்பால் படத்திற்கு பலம் சேர்த்திருக்கிறார். தமிழ் கெளதமன், ஆடுகளம் நரேன், சரண்யா பொன்வண்ணன், மன்சூர் அலிகான், இளவரசு, ரெடின் கிங்ஸ்லி, மதுசூதனன் ராவ் என மற்ற வேடங்களில் நடித்திருப்பவர்கள் கொடுத்த வேலையை குறையில்லாமல் செய்திருக்கிறார்கள். ஜி.வி.பிரகாஷ் இசை ஓகே ரகம். காடுவெட்டி குரு மீதான தவறான பிம்பத்தை உடைக்கும் விதமாக திரைக்கதை மற்றும் காட்சிகளை வடிவமைத்திருக்கும் இயக்குநர் கெளதமன், கதை சொல்லல் மற்றும் திரைக்கதையில் எந்தவித புதுமையையும் நிகழ்த்தாமல் ஒரு வழக்கமான படமாக கொடுத்திருக்கிறார். மொத்தத்தில். ‘படையாண்ட மாவீரா சுமார் ரகமே.