கரூர் கூட்ட நெரிசல் சம்பவம்: புதிய விசாரணை அதிகாரி நியமனம்

கரூர் : கரூர் கூட்ட நெரிசல் சம்பவம் தொடர்பாக கரூர் டி.எஸ்.பி. செல்வராஜ் நியமனம் செய்யப்பட்டு இருந்த நிலையில், புதிய விசாரணை அதிகாரியாக ஏ.டி.எஸ்.பி. பிரேமானந்தன் நியமனம் செய்யப்பட்டுள்ளார். 

கரூரில் கடந்த சனிக்கிழமை நடைபெற்ற த.வெ.க. பிரசார கூட்டத்தில் நடந்த கூட்ட நெரிசலில் சிக்கி 41 பேர் பலியாகினர். இந்த சம்பவம் நாட்டையே உலுக்கியுள்ளது. கூட்ட நெரிசல் சம்பவம் தொடர்பாக விசாரிக்க ஓய்வு பெற்ற நீதிபதி அருணா ஜெகதீசன் தலைமையில் விசாரணை ஆணையம் அமைக்கப்பட்டுள்ளது. இச்சம்பவம் தொடர்பாக போலீசாரும் விசாரித்து வருகிறார்கள்.

கூட்ட நெரிசல் சம்பவம் தொடர்பான வழக்கின் விசாரணை அதிகாரியாக கரூர் டி.எஸ்.பி. செல்வராஜ் நியமனம் செய்யப்பட்டு இருந்த நிலையில், புதிய விசாரணை அதிகாரியாக ஏ.டி.எஸ்.பி. பிரேமானந்தன் நியமனம் செய்யப்பட்டுள்ளார். டி.எஸ்.பி. ரேங்கிற்கு மேல் உள்ள ஏ.டி.எஸ்.பி. ரேங் கொண்ட அதிகாரியை நியமித்து கரூர் எஸ்.பி. உத்தரவிட்டுள்ளார்.