த.வெ.க. தலைவர் விஜய் மீது ஏன் வழக்குப்பதியவில்லை..? சென்னை உயர் நீதிமன்ற நீதிபதி கேள்வி

சென்னை, தமிழக வெற்றிக் கழகத் தலைவர் விஜய் மீது ஏன் வழக்குப்பதியவில்லை என்று கேள்வி எழுப்பிய சென்னை உயர் நீதிமன்ற நீதிபதி செந்தில் குமார், வழக்குப்பதிவு செய்யாதது வருத்தமளிக்கிறது என தெரிவித்துள்ளார்.

கரூரில் விஜய் பிரசாரத்தின் போது 41 பேர் பலியான நிலையில் அரசியல் கட்சிகளின் சாலைவலத்திற்கு வழிகாட்டு நெறிமுறைகள் வகுக்க வேண்டும் என கோரிய பொது நல மனு மீது நேற்று(அக்.3) சென்னை உயர்நீதிமன்றத்தில் விசாரணைக்கு வந்தது. இந்த விவகாரத்தில் இருவர் கைது செய்யப்பட்டுள்ள நிலையில், த.வெ.க. தலைவர் விஜய் மீது ஏன் வழக்குப் பதிவு செய்யவில்லை. புகார் இல்லாவிட்டாலும் அவர் மீது வழக்கு செய்திருக்க வேண்டுமே தமிழக காவல் துறைக்கு நீதிபதி செந்தில் குமார் சரமாரியாக கேள்வி எழுப்பியுள்ளார்.