விக்ரம் பிரபு அக்‌ஷய் குமார் கூட்டணியில் உருவாகும் சிறை

செவன் ஸ்கிரீன் ஸ்டுடியோ SS லலித் குமார் தயாரிப்பில், விக்ரம் பிரபு & L.K அக்‌ஷய் குமார் நடிப்பில், அறிமுக இயக்குநர்  சுரேஷ் ராஜகுமாரி இயக்கத்தில், உண்மைச் சம்பவத்தை அடிப்படையாக வைத்து உருவாகியுள்ள படம் “சிறை”. வரும் டிசம்பர் 25 ஆம் தேதி  கிறிஸ்துமஸ் தினத்தன்று வெளியாகிறது. டாணாக்காரன்  இயக்குநர் தமிழின் கதை மற்றும் திரைக்கதையில் சுரேஷ் ராஜகுமாரி இப்படத்தை இயக்கியிருக்கிறார். ஒரு காவலதிகாரிக்கும், விசாரணைக் கைதிக்குமான பயணம் தான் இப்படத்தின் மையம். விக்ரம் பிரபுவுக்கு  ஜோடியாக அனந்தா நடித்துள்ளார். SS லலித் குமார் மகன் LK அக்‌ஷய் குமார் இப்படத்தில் அறிமுகமாகிறார். இப்படத்தின்  படப்பிடிப்பு முழுமையாக முடிந்து  இறுதிக்கட்ட பணிகள் வேகமாக நடைபெற்று வருகிறது. இப்படத்தின் ஃபர்ஸ்ட் லுக், பெரும் வரவேற்பைப் பெற்ற நிலையில், விரைவில் டீசர்  இசை மற்றும் டிரெய்லர் வெளியீடு பற்றிய அறிவிப்புகள் வெளியாகுமென படக்குழு அறிவித்துள்ளது.