மியான்மரில் நிலநடுக்கம்

நைப்பியிடா, மியான்மரில் வெள்ளிக்கிழமை நிலநடுக்கம் ஏற்பட்டது. இது ரிக்டர் அளவில் 4.9 ஆகப் பதிவாகியுள்ளது என்று தேசிய நில அதிர்வு மையம் தெரிவித்துள்ளது.

மியான்மரில் வெள்ளிக்கிழமை (பிப்.6) அதிகாலை 6.03 மணியளவில் நிலப்பரப்பில் இருந்து சுமார் 96 கிலோமீட்டர் ஆழத்தில் 4.9 ரிக்டர் அளவிலான நிலநடுக்கம் ஏற்பட்டுள்ளதாக தேசிய நில அதிர்வு மையம் தெரிவித்துள்ளது. இந்த நிலநடுக்கத்தினால், உயிரிழப்போ, பொருள் சேதமோ ஏற்பட்டதாக எந்தவித தகவலும் இதுவரை வெளியாகவில்லை.

முன்னதாக, பிப்ரவரி 2 ஆம் தேதி, இதே பகுதியில் 115 கிலோமீட்டர் ஆழத்தில் 4.5 ரிக்டர் அளவில் நிலநடுக்கமும், 3 ஆம் தேதி 20 கிலோமீட்டர் ஆழத்தில் 5.3 ரிக்டர் அளவிலான நிலநடுக்கம் ஏற்பட்டது. வியாழக்கிழமை, 115 கி.மீ ஆழத்தில் 4.5 ரிக்டர் அளவிலான நிலநடுக்கம் ஏற்பட்டது.