தென்னிந்திய மொழி திரைப்பட சகாப்தத்தில் நாகேஸ்வரராவ் குடும்பம் அசைக்க முடியாத ஒரு அம்சம். வசூல் ராஜாவாக திகழும் நாகார்ஜுனாவின் அண்ணபூர்ணா ஸ்டுடியோஸ் தயாரிக்க “ஒக்க லைலா கோசம்“ என்ற தெலுங்கு படம் தெலுங்கில் வெளியாகி அமோக வெற்றிபெற்றது.

அந்த படமே தமிழில் “லைலா ஓ லைலா“ என்ற பெயரில் மொழிமாற்றம் செய்யப்படுகிறது. நாயகனாக நாகசைதன்யா நடிக்க, நாயகியாக பூஜா ஹெக்டே நடிக்கிறார். மற்றும் பிரபு, சுமன், ஷாயாஜி ஷிண்டே, நாசர், பிரம்மானந்தம், ஆலி, ஆசிஷ்வித்யார்த்தி, சுப்ரீத் ஆகியோர் நடித்துள்ளனர்.

ஒளிப்பதிவு   -   I.ஆண்ட்ரு
இசை   -  அனூப் ரூபென்ஸ்
வசனம்   -  ஷாஜி
எடிட்டிங்   -  பிரவீன்
நடனம்   -  சேகர்
எழுதி இயக்கி இருப்பவர்  - கே.விஜயகுமார்.
தயாரிப்பு   -  அக்கினேனி நாகார்ஜுனா.                                                                                            
இந்த படத்தை வெளியிடும் ஸ்ரீ லஷ்மி ஜோதி கிரியேசன்ஸ் A.N.பாலாஜி கூறியதாவது..     

நாகார்ஜுன் என்றாலே தெலுங்கில் வசூல் ராஜா என்ற பெயர் உண்டு. அந்தளவுக்கு வெற்றி ஹீரோவாக கருதப் படுபவர். அவர் தயாரிக்க நாகசைதன்யா நடித்த இந்த   “லைலா ஓ லைலா“ படம் ஜாலியான காதல் கதையாக உருவாகி உள்ளது.

பணக்கார வாலிபனான நாகசைதன்யா ஒரு பெண்ணை காதலிக்கிறார். காதலை ஏற்காத அந்த பெண் விலகி நிற்கிறாள். இதற்கிடையே அந்த பெண்ணிற்கும், நாகசைதையாவிற்கும் திருமண ஏற்பாடு செய்யப்படுகிறது. . ஆனால் நாகசைதன்யா அந்த திருமணத்தை தடுத்து நிறுத்தி விடுகிறார்.  விருப்பப்பட்ட பெண்ணே கிடைக்கும் போது நாகசைதன்யா மறுக்க என்ன காரணம்? அதுதான் படத்தின் சுவாரஸ்யம். விரைவில் படம் வெளியாக உள்ளது என்றார் A.N.பாலாஜி