முக்கிய செய்திகள்
Idhayam Matrimony

சோதனை விவரங்களை விளம்பரப்படுத்த ஐகோர்ட் உத்தரவு

சனிக்கிழமை, 26 மார்ச் 2011      தமிழகம்
Image Unavailable

 

சென்னை,மார்ச்.26 - தேர்தல் அதிகாரிகளின் சோதனைகளால் பொதுமக்கள் பாதிக்கப்படாமல் இருக்கும் வகையில் சோதனை பற்றிய விவரங்களை தேர்தல் ஆணையம் விளம்பரப்படுத்த வேண்டும் என்று சென்னை ஐகோர்ட் உத்தரவிட்டுள்ளது. 

சென்னையை சேர்ந்த பியோபெர்னான்டோ சென்னை ஐகோர்ட்டில் ரிட் மனு ஒன்றை தாக்கல் செய்திருந்தார். அதில் எனது நிறுவனத்தின் ஊழியர்களுக்கு சம்பளம் கொடுப்பதற்காக ரூ 4 லட்சத்தை கொண்டு வந்த போது அதை அதிகாரிகள் பறிமுதல் செய்து விட்டனர். காரணத்தை கூறியும் அதிகாரிகள் ஏற்க மறுத்து விட்டனர். எனவே எனது பணத்தை திருப்பி தர உத்தரவிட வேண்டும் என்று கூறியிருந்தார். 

இந்த மனுவை விசாரித்த நீதிபதி ஜோதிமணி, தேர்தல் நடத்தை விதிமுறைகளை சிரத்தையுடன் செயல்படுத்துவது தேர்தல் அதிகாரிகளின் கடமை. எனினும் அத்தகைய நடவடிக்கைகளால் பொதுமக்கள் பாதிக்கப்படக் கூடாது. தேர்தல் ஆணையம் சோதனை தொடர்பான விவரங்களை மக்களுக்கு தெரிந்த மொழியில் விளம்பரப்படுத்த வேண்டும். அதில் சோதனை செய்யப்பட்டு பொருட்கள் பறிமுதல் செய்யப்படுமேயானால் பாதிக்கப்பட்டவர்கள் என்னென்ன விவரங்களுடன் யாரை அணுக வேண்டும் என்பது உள்ளிட்ட விவரங்களை தெரியப்படுத்திட வேண்டும். இந்த வழக்கை பொறுத்தவரை மனுதாரரின் பணம் வருமான வரித்துறையினரின் வசம் இருப்பதால் அவர் அந்த துறையை அணுக வேண்டும் என்று நீதிபதி தீர்ப்பளித்தார்.

இதை ஷேர் செய்திடுங்கள்:

Idhayam Matrimony